Mataio 10:3 - Te B'aib'ara

³ ao Biribo, ao B'aretorom'aio; ao Toma, ao Mataio are te tia anai taekiti; ao Iakobo are natin Areb'aio, ao Tataio;

Mataio 10:3 Iomraidhean Croise

Mataio 18:17

Ma ngkana e aki ongo i rouia, ao ko na taekinna nakon te ekaretia; ao ngkana e rawa n ongo iroun te ekaretia, ao atongnga b'a te ianena ao te tia anai taekiti.

Mataio 27:56

I buakoia aine akekei bon Nei Maria are te I-M'aketara, ma Nei Maria are tinan Iakobo ma Ioteb'a, ao ai te aine are tinaia mm'aane ake natin Tebetaio.

Mataio 9:9

Ngke E kitana ikekei Iesu, ao e nora te aomata ae arana Mataio, b'a e tekateka n aobitin te taekiti; ao E taku nako ina, “Ko na irirai.” Ao Mataio e tei rake n iria.

Mareko 15:40

Iai naba aine ikekei ake a mataku mai kiraroa; ao e mena i buakoia Nei Maria are te I-M'aketara, ao Nei Maria are tinan Iote ma Iakobo are te ataei riki; ao raoia naba Tarome,

Mareko 2:14

Ao ngke E waki i aoni kawaina, ao E nora Rewi are natin Areb'aio b'a e tekateka n aobitin te taekiti; ao E taku Iesu nako ina, “Ko na irirai.” Ao ngaia e tei rake ao e iria.

Mareko 3:18

ao Anterea, ma Biribo, ma B'aretorom'aio, ma Mataio, ma Toma, ma Iakobo are natin Areb'aio; ao Tataio, ma Timon are te tia tauanen i bukin abana,

Ruka 18:10

A waerake aomata aika uoman nakon te um'antabu b'a a na tataro iai; temanna te B'aritaio, ao temanna te tia anai taekiti.

Ruka 18:11

E tei te B'aritaio n tataro i rouna ni kangai, “Te Atua, I kaitauko b'a tiaki aroia aomata nako ngai, aika a anai b'aai n te aro ni babakanikawai, a aki b'aina te eti, ao taani wene ni bure, ao tiaki naba aron te tia anai taekiti aei ngai.

Ruka 18:13

Ma te tia anai taekiti, e tei ni kararoa, ao e aki kan tabeki naba matana teutana nako karawa, ma e orea b'ab'ana ao e kangai, “Te Atua nanoangaai b'a te tia bure ngai!”

Ruka 19:2

Ao noria, iai te aomata temanna ae arana Takaio, ae mataniwiia taan anai taekiti, ao e kaub'ai.

Ruka 5:27

I mwiin aei, ao E oti nako Iesu, ao E nora te tia anai taekiti ae arana Rewi b'a e tekateka n aobitin te taekiti; ao E taku nako ina, “Ko na irirai.”

Ioane 1:48

E taku Natanaera nakoina, “Ko ataai maia?” E kaekaa Iesu ni kaangai, “I noriko ngke ko mena i aan te biku, i m'aini weteam irouni Biribo.”

Ioane 11:16

E taku ngkanne Toma, are aranaki b'a te Bwebwee, nakoia raona n reirei, “Ti na nako naba, b'a ti aonga ni mate ma Ngaia.”

Ioane 14:22

E taku Iuta (are tiaki Iuta Itekariota) nakon Iesu, “Te Uea, Ko na kanga n ae Ko na kaotiko nako ira, ma tiaki nakon te aonnaba?”

Ioane 14:5

E taku Toma nakoina, “Te Uea, ti aki ata te tabo are Ko na nako iai; ao ti na kanga n ata te kawai?”

Ioane 14:9

E taku Iesu nakoina, “Ai maanraa Ngai ni mena i rarikimi, ao ko tuai man ataai, Biribo? Ane e a tia n norai, ao e a tia naba n nora Tamau; e aera ngkai ko kaangai, ‘Kaota Tamam nako ira’?

Ioane 21:2

a botaki i rarikin te nama reirei aikai, Timon Betero, Toma are aranaki b'a te Bwebwee, ao Natanaera are kaaini Kana are i Kariraia, ao natin Tebetaio ake uoman, ao uoman riki ana reirei.

M'akuri 1:13

Ao ngke a rin i Ierutarem, ao a nako n te ru are i eta, are a kabongana b'a neia ni maeka n te tai ae aki maan Betero, ma Ioane, Iakobo, Anterea, Biribo, Toma, B'aretorom'aio, Mataio ma Iakobo are natin Areb'aio, ma Timon are te Terote, ao Iuta are tarin Iakobo.

M'akuri 12:17

Ao ngaia e taotaona baina nakoia, b'a a na aki karongoa, ao e tuangiia arona ngke E kairiia nako te UEA mai nanon te karabuuti. Ao e taku, “Kam na tuanga Iakobo ma taari nako taekani baikai.”

M'akuri 15:13

Ngke a tia n taetae, ao e a kaangai ngkanne Iakobo, Mm'aane, taari, kam na ongora i rou!

M'akuri 21:18

N te bong are i mwina ao ti airi ma B'auro n nako ni kawara Iakobo; ao a bane n roko unimm'aane iai.

I-Karatia 1:19

ma I aki nora te tia tuatua riki temanna, b'a ti Iakobo are tarin te UEA.

I-Karatia 2:9

ao Iakobo, ma Keeb'a, ma Ioane, ake a atoatongaki b'a boua, ngke a ata ae E anganai te Atua te mwiokoaki aei, ao a anganai ma B'arenaba angaataia, ao ti iobai ma ngaiia, b'a kaotan aroaro n iraorao ni mwiokoara, ngaira nakoia aomata aika tiaki I-Iutaia, ao ngaiia nakoia I-Iutaia.

Iakobo 1:1

Mairoun Iakobo, ae ana toro te Atua ma te Uea are Iesu Kristo; nakoia ana aomata nako te Atua ake a uamaae i aonnaba; kam na mauri.

Iuta 1:1

Mairoun Iuta, ae ana toro Iesu Kristo, ae tarin Iakobo, nakoia akana weteaki, akana tangiraki iroun te Atua ae te Tama, akana kawakinaki i bukin Iesu Kristo: