Mataio 10:22 - Te B'aib'ara

²² ao ane kam na ribaaki irouia aomata ni kabaneia i bukin arau. Ma ane nanom'aka ni karokoa matena, ao e na kamaiuaki.

Mataio 10:22 Iomraidhean Croise

Mataio 24:13

Ma ane nanom'aka ni karokoa te toki, ao e na kamaiuaki.

Iakobo 1:12

E a kab'aia te aomata ae teimatoa i buakon te kaririaki; b'a ngkana e a tia ni kataaki, ao e na reke i rouna te bau are te maiu, are E atongnga te Uea b'a aia b'ai akana tangiria.

Te Kaotioti 2:10

Ko na tai makui baika ko nangi maraki iai; noria, ane e nang kaakiia tabem'aang i buakomi te riaboro i nanon te karabuuti, b'a kam aonga ni kataaki iai, ao tengaun ami bong ni maraki iai. Ko na kakaonimaki ni karokoa matem, ao N na anganiko te bau are te maiu.

Mareko 13:13

Ane kam na ribaaki irouia aomata nako i bukin arau, ma ane nanom'aaka ni karokoa matena, ao e na kamaiuaki.

Mataio 10:39

Ane kawakina maiuna, ao e na boni kabua; ao ane kabua maiuna i buku, ao e na boni karekea.

1.Ioane 3:13

Taari, kam na tai mimi ngkana a ribaingkami kaain aon te aba ae bubure.

Mataio 24:9

Ao ngkana a riki baikanne, ao ane a na anga ngkami b'a kam na karawawataki, ao ane a na kamateingkami; ao ane kam na ribaki irouia botannaomata ni kabaneia i bukin arau.

I-Rom 2:7

Nakoia ake a ukoukora te neboaki ma te karineaki ma te aki-mamate, n aia botum'aka ni kakaraoi m'akuri aika raoiroi, ao te maiu are aki toki.

Ebera 6:11

Ma ti tangiringkami n tatabemaningkami nako b'a kam na kaota te ingainga n nano ae ti te arona ni karokoa te toki, b'a kam aonga ni koaua raoi ni b'aai aika kam kaantaningai b'a a boni koaua:

Ioane 17:14

I a tia n taekin am taeka nakoia, ao e ribaia te aba, b'a tiaki ana b'ai te aba ngaiia; n ai arou ngkai tiaki ana b'ai te aba Ngai.

I-Karatia 6:9

Ma a na tai toki nanora ni kakaraoa ae e raoiroi, b'a ti a bon tai anai mwin ara m'akuri n te tai ae riai, ngkana a aki b'ara nanora.

Ruka 6:22

Kam a kab'aia ngkana a ribaingkami aomata, ao ngkana a katinanikuingkami ma n taetaebuakaingkami, ao ngkana a atong arami b'a aara aika kam'araa, i bukin onimakinan Natin te Aomata i roumi!

2.I-Korinto 4:11

B'a ngkai ti maiu ao ti aki toki ni kaitara ma te kanganga ae kaan ae ti na mate iai i bukin Iesu, b'a e aonga ni kaotaki maiun Iesu i nanon rab'atara aika mamate.

Mataio 5:11

“Kam a kab'aia ngkana a taetaebuakaingkami aomata, ma ni b'ainikiriningkami, ma n atonga te taetae ae kewe ae buakaka b'a taekami i bukin ae au aomata ngkami.

Te Kaotioti 2:17

“Ane iai taningana n ongo ao ke e ongo ana taeka te Tamnei are Raoiroi nakoia ekaretia. “Ane tokanikai ao I a anganna te maana are raba, ao N na anganna te atibu ae mainaina ma te ara ae boou ae koreaki i aona, ae te ara ae akea temanna ae ataia b'a ti ane anganaki.

Ioane 7:7

Akea bukin ae kam na ribaaki iai irouia aomata nako; ma iai bukin ribakiu i rouia, b'a I aki toki n tuangiia b'a a bubuaka aia m'akuri.

Ruka 8:15

Ao i bukiia ake n te tano are raoiroi, akanne bon te koraki ake a ongo te taeka ao a taua ni kamatoa ma te nano ae koaua ae raoiroi, ao a kariki uaa i bukin aia taotaonaki n nano.

Te Kaotioti 3:21

Ane tokanikai, ao N na anganna te kona n tekateka ma Ngai n au kaintokanuea, n ai arou naba ngke I tokanikai ao I tekateka ma Tamau n ana kaintokanuea.

Te Kaotioti 2:7

“Ane iai taningana n ongo, ao ke e ongo ana taeka te Tamnei are Raoiroi nakoia ekaretia. “Ane tokanikai ao N na anganna te am'arake man te kai ni maiu are mena n ana B'aretaiti te Atua.

Ebera 3:14

B'a ti riki b'a raao ngaira ma Kristo ngkana ti taua ni kamatoa ni karokoa te toki te aki nanokokoraki are reke i roura ngke ti moa n onimaki.

Te Kaotioti 2:26

Ao ane tokanikai, ma ni karaoi baike I tuangnga b'a e na karaoi ni karokoa te toki, ao N na anganna te m'aaka n tauu taekaia botannaomata;

M'akuri 9:16

Ao N na kaoti nakoina baika bati aika e riai ni karawaawataaki iai i bukin arau.”

Te Kaotioti 2:3

Iai i roum te nanom'aka, ao ko taotaona nanom i bukin arau, ao e aki b'ara nanom.

Taeka n Rabakau 29:27

A kairiribai i marenaia aomata aika a raoiroi ma aomata aika taani bure.

Ruka 21:17

Ane kam na ribaaki irouia aomata ni kabaneia i bukin arau.

Ruka 21:19

Ane kam na kareke maiumi n nanom'aakami.