Mataio 10:1 - Te B'aib'ara

¹ Ao E weteia ana reirei Iesu ake tengauni ma uoman, ao E anganiia te m'aaka i aoia tamnei aika kam'araa b'a a na kanakoia, ao te m'aaka ni katoki aoraki ni kabane ma mamaara ni kabane.

Mataio 10:1 Iomraidhean Croise

Mataio 19:28

E taku Iesu nako ia: E koaua ae I a tuangngkami, b'a ngkana E tekateka Natin te Aomata i aon ana kaintokanuea are tamaroa, n te aonnaba ae boou ao ngkami, aika kam irirai, ane kam na tekateka naba i aoni kaintokanuea aika tebwi ma uoua, n tautaekaniia aia baronga Iteraera ake tengauni ma ua baronga.

Mataio 26:20

Ngke e a tairiki, ao E tekateka n rarikiriki n am'arake Iesu ma ana reirei;

Mataio 26:47

Ngke E tabe n taetae Iesu, ao e roko Iuta, are temanna i buakoia uake tengauni ma uoman. E airi ma te koraki ae bati ake a uoti kabaang ma kaai n oro. A kam'anangaaki irouia ibonga ake mataniwi ma unimm'aane.

Mataio 4:23

E kabuta Kariraia n reirei ni m'aneabaia I-Iutaia, ao n tataekina euangkerion Uean te Atua; ao E katoki aoraki ni kabane, ao mamara ni kabane i buakoia aomata.

Mataio 6:13

Ao tai kairira nakon te kaririaki, ma Ko na kamaiura man te buakaka; b'a am b'ai te uea, te m'aaka, ao te neboaki n aki toki. Amen.

Mataio 9:35

Ao Iesu E kawari kaawa ni kabane ma taabo nako ake a maekanaki n reirei i nanoni m'aneabaia I-Iutaia, n tataekina euangkerion Uean te Atua, ao ni katoki aoraki ni kabane ma mamaara ni kabane.

Mataio 9:38

Ma ngaia ae kam na butiia Teuare ana b'ai baikai b'a E na kanakoia taani m'akuri b'a a na rikoi ana uaa.”

Ruka 10:19

Noria, I a tia n anganingkami te m'aaka b'a kam na kona n tou aoia naeta ma tikaobian, ao n tokanikai i aoni m'aakan nako te Kairiribai, ao akea te b'ai ae kam na kabuanib'ai iai.

Ruka 21:15

B'a Ngai ae N na anganingkami te wii ae ribinewe ma te rabakau, b'a a aonga n aki kona aiami n tuuki ao ni kakewei ami taeka.

Ruka 24:49

Ao noria, N na kanakoa nako aomi te baere E a tia ni kab'aka iai ana taeka Tamau b'a E na karaoia; ma kam na tiku i Ierutarem, ni karokoa anganakimi te m'aaka mai karawa.”

Ruka 6:13

Ngke e a ingabong, ao E weteia ana reirei ao E rineia tengauni ma uoman mai buakoia, ao E atongiia b'a taan tuatua, Aikai araia;

Ioane 17:2

B'a Ko a tia n anganna te m'aaka i aoia aomata ni kabaneia, b'a E na anga te maiu are aki toki nakoia ni kabane ake Ko anganna.

Ioane 3:27

E kaekaia Ioane ao e taku, “Akea te b'ai ae kona n riki nakon te aomata, ma ti ngkana E karaoia te Atua b'a e na riki.

Ioane 3:35

E tangira te Nati te Tama, ao E a tia ni kaaki b'aai ni kabane i aani m'aakana.

Ioane 6:70

E kaeka Iesu ao E taku, “Tiaki I rineingkami ngkami aika tengauni ma uoman, ao bon iai te riaboro temanna i buakomi!”

M'akuri 1:8

Ma ane kam na anganaki te m'aaka, ngkana E roko te Tamnei are Raoiroi i aomi; ao ane kam na riki b'a taan tataekinai nakoia aomata i Ierutarem ao n taabo nako i Iuta, ao i Taamaria, ao i aonnaba ni kabuta.”

M'akuri 19:15

Ma e kaekaia te tamnei are buakaka ni kaangai, “I ata Iesu, ao I ata naba B'auro; ma antai ngkami?”

Te Kaotioti 12:1

Ao e kaoti te b'ai ae e rangi ni kamimii taraana i karawa: te aine ae kunnikaiaki n taai, ao e mena nam'akaina i aani waena, ao te baunuea ae tebwi ma uoua itoina i aon atuna.