Mataio 1:21 - Te B'aib'ara

²¹ Ane e na bungia te nati te mm'aane, ao ko na aranna b'a Iesu, b'a Ngaia ae na kamaiuia aomata man aia bure.”

Mataio 1:21 Iomraidhean Croise

Karikani B'aai 17:19

Ma E taku te Atua, “Tiaki ngaia anne, ma e na kariki Nei Taara are buum, ao e na karika natim te mm'aane, ao ko na aranna b'a Itaaka. N na kawakina au Berita ma ngaia, ao kanoana ana kaawakinna n aki toki. Bon te berita ae akea tokina.

Karikani B'aai 17:21

Ma N na kaawakina au berita ma natim te mm'aane are Itaaka, are e na bungiia Nei Taara n te tai ae ai aron naba aei n te ririki ae na roko.”

Karikani B'aai 18:10

Ao e taku temanna mai buakoia uakekei, “Ruaiwa te nam'akaina mangkai, ao N na manga oki rikaaki, ao e na riki natin Nei Taara te mm'aane.” Ao e mena Tara i akuun Aberaam, ni mataroan te auti n rianna ni kakauongo.

Ieremia 23:6

E na rau Iteraera, ao e na kaawakinaki Iuta i nanon ana tai n uea. E na aranaki te uea b'a “Te UEA ae e anga te eti.”

Ieremia 33:16

E na mano Iuta, ni boong akanne; e na mena te rau i aon Ierutarem ao e na aranaki b'a, Te UEA ae E anga te Rau.”

Taniera 9:24

Itiua m'aitin te itibwi te ririki, bon maanin te tai are e na roko iai kainaomatakiia am Aomata ma te kaawa are e tabu man te bure ao te b'ai ae e kam'araa iroun te Atua. A na kab'araaki buure, ao e nangi roko te eti ae akea tokina, b'a e aonga ni koro bukin te kaotioti ma te taetae ni burabeti, ao e na manga katabuaki te Tembora.

Tekaria 9:9

Kukurei ao takaarua aomata ni kabane i Ierutarem, E a tia n tokanikai ami uea, ao E a roko ni kawaringkami. E nanorinano ao E toka i aon te ati; ao E roko i aon bunin te aati.

Mataio 1:25

ma e aki botaki ma ngaia ni karokoa e a tia ni bungia natina; ao e aranna Ioteb'a b'a Iesu.

Ruka 1:13

Ma e taku te anera nako ina, “Tai maaku, Takaaria! b'a E ongo am tataro te Atua, ao buum ae Nei Eritabeta, ane e na bungia natim te mm'aane, ao ko na aranna b'a Ioane.

Ruka 1:31

Ao noria, ane ko na bikoukou ao ane ko na bungiia te nati te mm'aane, ao ko na aranna b'a Iesu.

Ruka 2:11

b'a e a bungiaki nako imi n te bong aei n ana kawa Tawita, te tia Kamaiu are te Kristo are te Uea.

Ruka 2:21

Ngke e a koro wanua te bong, ngke e a roko ana tai te teei ni kaitiakaki, ao e a aranaki b'a Iesu, are te ara are e anga te anera i m'ain rikin Iesu i nanon te biroto.

Ioane 1:29

N te bong are i mwina ao e nora Iesu Ioane ngke E nakoina, ao e taku, “Nora ana Tiibuteteei te Atua, ae uoti nako aia bure kaain aonnaba.

Ioane 4:42

ao a taku nakon te aine arei, “Ai tiaki i bukin am taeka ae ti onimaki iai, b'a ae ti a bon ongo mai Rouna, ao ti a ataia b'a ngaia bon aei te Tia Kamaiua te aba.”

M'akuri 13:23

Ao mairouia ana kariki teuaei, ao E a tia te Atua ni karekea te Tia Kamaiu mai buakoia, are Iesu, n ai aron ana taeka n akoi.

M'akuri 3:26

E kateirakea Natina te Atua ao E kanakoa moa nakoimi, b'a E na kakab'aiaingkami, n rairingkami ni kabaneingkami man aromi aika bubuaka.

M'akuri 4:12

Bon ti Iesu ae mena i rouna te kamaiu, ao akea riki; b'a bon akea te ara riki teuana i aani karawa ae a anganaki aomata, ae ti kona ni kamaiuaki iai.

M'akuri 5:31

E neboia te Atua ni kaaki i rarikina b'a te Mataniwi Ngaia ao te Tia Kamaiu: b'a E aonga n reke nakoia Iteraera aia tai n rairi nanoia ao ni kab'araki aia bure.

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

Ebera 7:25

Ma ngaia ae E kona ngkai ao n taai nako ni kamaiuia akana nako n te Atua i Rouna, ngkae E maiu n aki toki b'a E na bubuti i bukiia.

1.Ioane 1:7

ma ngkana ti nakonako n te oota n ai arona ngkae E mena n te oota, ao ti i raorao i roura, ao e kaitiakiira raraan Iesu are Natina man te buakaka ni kabane.

1.Ioane 3:5

Ao kam bon ataia b'a E karokoaki Teuarei b'a E na uoti nako buure; ao bon akea te bure i nanona.

Te Kaotioti 7:14

Ao I taku nakoina, “Teuae ko karineaki i rou, ko bon ataiia.” Ao e kaangai nako iu, “Aomata aikai ake a butaki nako mai aan te rawawata are korakora, ao a teboki aia kunnikai ake a m'am'arai ao a kamainainai n raraan te Tiibuteteei.

Tani Motiki-taeka 13:3

ma n te tai teuana E kaoti Ana anera te UEA nakoina ao e taku: E tuai man reke natim, ma n te tai ae aki maan ao ko na bikoukou ao e na reke natim te m'aane. E na riki b'a Ana b'ai te Atua man te tai are e moani bungiaki iai, ma ngaia are, e na aki kokoreaki iran atuuna. Ao i m'aain naba bungiakina, ao ko na aki momooi n te wain ke te biia ke ni kang am'arake aika tabuaki kanakiia n aron ake n ana Tua te Atua. E na moana kainaomataia Iteraera natim te m'aane mai rouia kaain Biritia.

1.Tamuera 1:20

Ao e bikoukou neierei ao e bungia natina te m'aane. E arana natina b'a Tamuera, ao ni kab'arab'araaki, “I bubutiia te UEA i bukina.”