Mareko 8:34 - Te B'aib'ara

³⁴ Ao E weteia aomata aika bati ma ana reirei; ao ngke a roko, ao E taku nako ia, “Ngkana iai ane kan ri mwiu, ao e na kakeaa i bon i rouna; e na uota ana kaibangaki ao e na irirai.

Mareko 8:34 Iomraidhean Croise

1.Uea 14:8

I bon anaa naba abanuean Tawita mai irouia ana utu ao I anganiko. Ma ko bon aki katotonga Au tia m'akuri are Tawita. E rangi n ongotaeka n taai nako irou, ao e kakaraoa ae e eti.

Warekaia Iteraera 14:24

Ma e bon rangi ni kaokoro au toro are Kareb'a ma ngaiia i bukin ana kakaonimaki nako Iu, ao N na boni kariaia riaoakin te Ioretan nako Kanaan irouna, ao a na maeka kanoana ikekei.

Mataio 10:38

Ao ane aki uota ana kaibangaki n irirai n ri mwiu, ao e aki tau b'a e na riki b'a au reirei.

Mataio 16:24

E taku ngkanne Iesu nakoia ana reirei, “Ngkana iai ane kan ri mwiu, ao e na kakeaa i bon i rouna, e na uota ana kaibangaki, ao e na irirai.

Mataio 27:32

Ngke a toua kawaia n oti nako, ao a bo ma te I-Kurene temanna, ae arana Timon; ao a kairoroa tautia b'a e na uota te kai are E na tauraki iai Iesu.

Mareko 10:21

Ngke E taratara teuarei Iesu ao E tangiria, ao E taku nako ina, “Teuana te b'ai ae akea i roum. Naako, kabo nako am b'ai akana iai i roum; ao booia, anganiia akana akea aia b'ai, ao ane na reke i roum iai am b'ai i karawa; ao nako mai irirai.”

Mareko 7:14

E a manga weteia aomata nako Ina, ao E taku nako ia, “Kam na bane n ongora i Rou, ao kam na ata nanon te b'ai ae N na taekinna.

Ruka 13:24

Kakorakoraingkami b'a kam na rin n te mataroa are wariki; b'a I taku nako imi b'a a bati aika ukoukora te kan rin iai, ma a aki kona.

Ruka 14:33

Ma ngaia are ngkana iai i buakomi ae aki kitan ana b'ai ni kabane, ao e aki kona n riki b'a au reirei.

Ruka 18:22

Ngke E ongo aei Iesu, ao E taku nako ina, “Teuana riki te b'ai ae akea i roum, Kabooi nako am b'ai ni kabane akana iai i roum ao tib'atib'ai booia nakoia aomata akana akea aia b'ai, ao ane na reke i roum iai am b'ai i karawa; ao nako mai, irirai.”

Ruka 20:45

Ngke a bane n ongora aomata i Rouna, ao E taku nakoia ana reirei,

Ruka 9:23

Ao E taku nako ia ni kabaneia, “Ane kan ri mwiu, ao ke e kakeaa i bon i rouna, ao ke tabetabeka ana kaibangaki n te bong ae koraki, ao ke e irirai.

Ioane 10:27

A ongo b'anaau au tiibu, ao I kinaia, ao a irirai.

Ioane 19:17

Ao E oti nako man te kaawa Iesu, n uota ana kaibangaki i bon i rouna, nakon te tabo are aranaki b'a te tabo n Tab'anou, are e aranaki n te taetae n Ebera b'a Korokota.

M'akuri 14:22

ni kakorakorai nanoia taan onimaki, ao ni buokiia b'a a na botum'aka n onimaki, ao a kaangai, “Ti riai n ri nanon rawawata aika bati b'a ti aonga n rin n Uean te Atua.”

I-Rom 6:6

B'a ti ata aei: b'a e tauraki aomatara nikawai i aon te kaibangaki ma Ngaia, b'a e aonga ni kamaunaki te rab'ata ae bure, b'a ti na aki manga toronaki n te bure.

I-Rom 8:17

Ao ngkana natina ngaira, ao bon taani b'aib'ai naba ngaira-taani b'aib'ai iroun te Atua, ao taan uaia ni b'aib'ai naba ma Kristo; b'a ngkai ti b'ainikirinaki ma Ngaia, ao ti na neboaki naba ma Ngaia.

1.I-Korinto 15:31

Taari, I kaitara ma te mate n te bong ae koraki! I riki n taekina aei i bukin nanou ni kamoamoa i bukimi i nanoni Kristo Iesu are ara UEA.

1.I-Korinto 8:13

Ma ngaia aei, ngkana e na riki te am'arake b'a te b'ai ni kab'akab'aka nakon raou n onimaki, ao N na bon aki manga kang irikomaiu, b'a I kawa n riki b'a te b'ai ni kab'akab'aka nakon tariu.

1.I-Korinto 9:19

B'a e ngae ngke I inaomata b'a akea ae I toro i rouna, ma I karikai b'a te toro ngai nakoia aomata ni kabaneia b'a N na kabatiaia konau.

I-Karatia 2:20

Ao ai tiaki ngai ae I maiu ngkai, ma Kristo ae maiu i nanou; ao arou ae I maiu iai n te rab'ata, I maiu n onimakinan Natin te Atua, are E tangirai, are E anga Ngaia i buku.

I-Karatia 5:24

Ao akana ana aomata Kristo Iesu a taura te maiu n rab'ata ma nanona ni kammaira ma ni kaib'ab'aru n te kaibangaki.

I-Karatia 6:14

Ma ngai, I bon aki kani kamoamoaai n te b'ai teuana, ma ti n ana kaibangaki ara UEA are Iesu Kristo; b'a n ana kaibangaki ao ai aron ae mate te aonnaba nako iu, ao ngai nakon te aonnaba.

I-Biribi 3:10

B'a N na ata Iesu ma te m'aaka are E a manga kamaiuaki iai, ma ni maraki n ai arona ni maraki, ao n riki n ai arona ni matena,

I-Biribi 3:7

Ma b'aai ake I taku b'a a kakawaki, ao I a atong ngkai b'a akea bonganaia i bukini Kristo.

I-Korote 1:24

I kim'areirei ngkai ni marakiu i bukimi, b'a I a kona ni kakororaoa iai marakin Kristo ni marakin rab'atau i bukin rab'atana, ae te ekaretia;

I-Korote 3:5

Ma ngaia ae kam na kamate aron rab'atami akana b'ain aon te aba, aika te wene ni bure, te kammaira, te kaib'ab'aru, te tangira ae buakaka, ao te mataai ni kanib'aib'ai ae ti te bo arona ma taromaurian te bouannanti.

2.I-Tetaronike 3:11

B'a ti ongo taekaia tabem'aang i buakomi aika rawa ni kani m'akuri, b'a akea aia m'akuri ma ti te katabetabeiia aomata.

Tito 2:12

Te akoi anne are reireira b'a ti na rawa nakon te maiu are akea karinean te Atua iai ma te maiu n tangiri b'ain aon te aba, ao ti na b'aina te maiu n iango raoi, ae te maiu ae karaoa nanon te Atua ma n i raorao ma Ngaia n te aonnaba aei,

Ebera 13:13

Ma ngaia ae ti na nako Ina i tinanikun te nne ni maeka n rianna, n uaia n uataboa ma Ngaia kamamaaeana.

1.Betero 4:1

Ma ngaia ae ngkae E a tia ni maraki Kristo n rab'atana ao kam na tauraoi naba ni b'aina te nano ae ti te arona ma nanona; b'a ane e a tia ni maraki n rab'atana ao e a tia n aki tau-taekanaki maiuna n te bure.

1.Betero 4:13

ma ngkai kam buokanib'ai ni marakini Kristo, ao kam na kim'areirei; b'a aonga ni kabatiaki ami kim'areirei ngkana e kaotaki arona ni mimitong.

2.Betero 1:14

ngkai I ataia b'a e a kaan te tai are N na kitana iai te maiu aei, n ai aron are kaotaki nako iu iroun ara Uea are Iesu Kristo.

1.Ioane 3:16

Ti ata te tangira n aei, ngke E anga maiuna i bukira; ma ngaia ae e riai b'a ti na anga maiura i bukiia taari.

Te Kaotioti 2:10

Ko na tai makui baika ko nangi maraki iai; noria, ane e nang kaakiia tabem'aang i buakomi te riaboro i nanon te karabuuti, b'a kam aonga ni kataaki iai, ao tengaun ami bong ni maraki iai. Ko na kakaonimaki ni karokoa matem, ao N na anganiko te bau are te maiu.