Mareko 8:32 - Te B'aib'ara

³² E kamatata raoi taekinan aei nako ia. Ao Betero, e kairia ni kaokoroa ao e takuia.

Mareko 8:32 Iomraidhean Croise

Mataio 16:22

Ao e kaira Iesu Betero ni kaokoroa, ao e takuia b'a E na aki taetae n arona arei. Ao e taku, “E na nanoangaiko te Atua! E na aki riki aei nako Im!”

Mareko 4:38

E mena Iesu i bukin te boti b'a E matu, ao atuna i aon te uninga. A kautia ana reirei, ao a taku, “Te Tia Reirei, Ko aki tabe i roura ngkai ti a kani mate?”

Ruka 10:40

Ma Nei Mareta, e rangi n tabetabe ana iango n ana m'akuri; ao e nako n Iesu ao e taku, “Te Uea, Ko aki tabe ngkai e kitanai tariu b'a N na m'akuri n ti ngai? Ko na tuangnga b'a e na buokai!”

Ioane 10:24

A otab'aninia Iesu I-Iutaia ao a titirakinna ni kaangai, “Maanra te tai ae Ko na katikuira iai n tataninga i m'ain ae Ko tuangiira te koaua? Tuangiira raoi te koaua: te Kristo Ngkoe?”

Ioane 11:14

Ma ngaia are, E katereterea raoi nakoia Iesu ao E taku, “E a mate Rataro;

Ioane 16:25

“I a tia ni kabonganai taeka aika kaangaanga iroumi b'a kam na oota iai ngke I atongi baikai nakoimi; ma e na roko te aoa are N na aki manga taekina iai te Tama nakoimi n taeka aika kangaanga iroumi b'a kam na oota iai, ma N na taekinna nakoimi n te aro ae kam na oota raoi iai.

Ioane 16:29

A taku ana reirei nakoina, “Noria, ti a oota raoi ngkai n am taeka, b'a Ko a aki kabonganai taeka aika ti aki oota iai.

Ioane 18:20

E kaeka Iesu ao E taku, “I a tia n taetae n aki karabaai nakon te aba; I aki toki n reirei ni m'aneabaia nako I-Iutaia ao i nanon te Tembora, ao a bane n roroko I-Iutaia; ao I aki atonga te b'ai teuana ni karabaa.