Mareko 8:22 - Te B'aib'ara

²² A roko i Betetaita, ao iai aomata ake a kaira temanna ae mataki nakon Iesu, ao a butiia Iesu b'a E na riingnga.

Mareko 8:22 Iomraidhean Croise

Mataio 11:21

ao E kangai, “A na reke kaimi kaaini Koratin! A na reke kaimi kaaini Betetaita! B'a ngke arona b'a a tia ni karaoaki m'akuri aika kamimii i Turo ao i Titon, ake m'akuri ake a karaoaki i Koratin ao i Betetaita, ao kaain Turo ma Titon a na kamani karin i aoia kunnikai ake a b'ab'ainaki n tain te rawawata, ma ni kabiri mataia ni mannang b'a kaotan rairan nanoia.

Mataio 14:36

A butia Iesu b'a a na ti riinga rabin ana kunnikai aoraki; ao ake a riingnga a kamaiuaki.

Mataio 8:15

E riinga baina Iesu, ao e toki kabuebuena; ao neierei e tei rake ao e touati i bukina.

Mataio 8:3

E arora baina Iesu ao E riingnga, ao E taku, “Bon nanou; Ko na itiaki!” Ao e a rina naba n toki reberana.

Mataio 9:29

E riingi ngkanne mataia Iesu, ao E taku, “E na karaoaki nako imi n ai aron ami onimaki.”

Mareko 2:3

Ao iai ake a roko, ao a uota nako Ina temanna ae nakibaina, ae tabetabekaki irouia aomata aika aman.

Mareko 3:10

B'a E a tia ni kamaiuia aomata aika m'aiti, ao ake a aoraki a karaneneiia n uai rokoia i Rouna, b'a a aonga n riingnga.

Mareko 6:45

Ao ngkekei naba, iai ana m'akuri Iesu are E karaoia are e a karika iai tokaia ana reirei i aon te booti, ao a nako n ri moana nako Betetaita; ao Ngaia, E kaokiia nako aomata.

Ruka 10:13

E na reke kaim Koratin! E na reke kaim Betetaita! B'a ngke arona b'a a tia ni karaoaki m'akuri aika kamimii i Turo ao i Titon ake a karaoaki i nanomi, ao a kaman rairi nanoia, n tekateka i buakoni mannang ma kunnikaia aika b'ab'ainaki n tain te rawawata.

Ruka 9:10

Ngke a oki taan tuatua, ao a tuanga Iesu taekani baike a tia ni karaoi. Ao E kairiia ni kaokoroia nakon te kawa are arana Betetaita.

Ioane 1:44

(Biribo boni kaaini Betetaita, ae aia kaawa naba Anterea ma Betero.)

Ioane 12:21

A nako ngkanne nakoni Biribo, are kaaini Betetaita are i Kariraia, ao a tuangnga ni kaangai, “Teuaei, ti kan nora Iesu.”