Mareko 7:9 - Te B'aib'ara

⁹ Ao E a manga taku nako ia, Kam rabakau aromi ni kaki taekan ana tua te Atua, b'a kam aonga ni kawakin aia taeka n reirei ami bakatibu.

Mareko 7:9 Iomraidhean Croise

Taian Areru 119:126

Karaoa ae ko taku, te UEA! B'a a urua am Tua aomata.

Itaia 24:5

E a kam'araa te aonnaba i bukiia aomatana aika a aki ongotaeka nakon ana tua nako te Atua, ma n urui aia booraraoi are akea tokiia.

Itaia 29:13

E a tia ni kaangai te UEA: “A neboai aomata aikai n aia taeka ma bon akea raoi nanoia i Rou. A taromauriai ni kakaokioki taian tua ake a karaoaki i rouia aomata.

Taniera 11:36

“E na karaoa are e bon tangiria uean Tuuria. E na kamoamoa i bon i rouna n iangoia b'a e korakora riki nakoia anti ni kabane, ao nakon te Atua ae e Moan te M'aaka. E na teimatoa ni karaoa aei ni karokoa are e na katuaaeaki iai iroun te Atua. E na boni karaoa are e a tia ni baaireia te Atua.

Taniera 7:25

E na taetae n eekaanako te Atua ae Moan te M'aaka, ao e na karawawataia ana Aomata te Atua. Ao e na kataia ni bita tuan ma botakin aia aro, ao a na mena ana Aomata te Atua i aani m'aakana i nanon tenua ma te iterana te ririki.

Mareko 7:13

Ao aei te katei are e a kakeaki iai ana taeka te Atua i bukin ami taeka n reirei nakoia aomata. Ao a m'aiti riki b'aai aika ai aron aei ae kam karaoi.”

Mareko 7:3

B'a a aki kona n am'arake B'aritaio ma I-Iutaia ni kabaneia ngkana a aki teboki moa baiia n ai aron aia taeka n reirei aia bakatibu;

Mareko 7:5

Ao B'aritaio ma taani koroboki a titirakina Iesu ni kangai, A aera am reirei ngkai a aki tou mwin aia taeka n reirei ara bakatibu, b'a a am'arake ma baiia aika tuai ni kaitiakaki?

I-Rom 3:31

Ti urua ngkanne iai te Tua n te onimaki? Ti aki; ma ti kateimatoa te Tua.

2.I-Korinto 11:4

B'a ngkana e roko temanna i roumi n taekina Iesu riki temanna are tiaki Ngaia are ti taekinna, ke ngkana kam anganaki te Tamnei ae kaokoro ae tiaki Ngaia are kam anganaki, ke te euangkerio are tiaki naba ngaia are kam anganaki, ao kam konamaki n taotaon nanomi nako ina.

I-Karatia 1:14

E nako raoi riki arou n te Aro n Iutaia nakoia au roro aika bati aika kaain au botannaomata, b'a I bati n tangiri aia taeka n reirei au bakatibu.

I-Karatia 2:21

I aki kakeaa bonganan ana akoi te Atua; b'a ngkana e kaetaki reitakin te aomata ma te Atua n te Tua, ao akea bonganani mateni Kristo.

2.I-Tetaronike 2:4

E na ekianako akana atongaki b'a atua ni kabaneia ma baika taromauriaki, ao e na rin n tekateka n um'antabun te Atua ma n taetae ni kaotia b'a aongkoa te Atua ngaia.