Mareko 7:7 - Te B'aib'ara

⁷ akea nanon aia taromauri, i bukina b'a a reirei taekan tuua ake a karaoi aomata b'a aongkoa ana tua te Atua!’

Mareko 7:7 Iomraidhean Croise

Itaia 29:13

E a tia ni kaangai te UEA: “A neboai aomata aikai n aia taeka ma bon akea raoi nanoia i Rou. A taromauriai ni kakaokioki taian tua ake a karaoaki i rouia aomata.

Maraki 3:14

Aio te b'ai ae kam a tia taekinna, “Bon te waaki n nanobaba te m'akuri iroun te UEA ae Moan te M'aaka. Tera manenan te ongotaeka i rouna ma te nanakonako ni mata ni kananoanga?

Mataio 15:9

Akea nanon aia taromauri, i bukina b'a a reirei taekan tuua ake a karaoi aomata b'a aongkoa ana tua te Atua!”

Mataio 6:7

Ao ngkana kam tataro, ao tai kabatiai ami taeka aika akea nanoia, b'a anne aroia aomata ake a tuai onimakina te Atua, b'a a taku b'a a na reke nako ia b'aai ake a tataro i bukiia.

1.I-Korinto 15:14

ao ngkana E tuai ni manga uti Kristo, ao a matebuaka ara reirei, ao a matebuaka naba ami onimaki.

1.I-Korinto 15:58

Ma ngaia aei, tariu, aika kam tangiraki, kam na teimatoa, ao kam na aki toki ni kakaraoi ana m'akuri te UEA, ngkai kam ataia b'a a aki matebuaka ami m'akuri i bukin te UEA.

Te Tua-Kaua 12:32

Ongotaeka nakon taian tua ma reirei aika I anganingkami. Tai manga karakai riki tabeua nakon aikai, ao tai kaaki naba tabeua man aikai.

I-Korote 2:22

A kaeti taekani baikai nakoni baika na riki n akea bonganaia ngkana a a tia ni kamanenaki; bon tuua ma reirei aika karaoi aomata.

Tito 3:9

Ma ko na kararoako man taian titiraki ni baba, ma taiani kateiriki, ma unraa, ma kauntaeka i aon taekan te Tua, b'a akea manenaia ao akea naba uaaia.

Iakobo 1:26

Ngkana e taku temanna b'a e taua te Aro, ao e aki kona n taua tian ana taeka, ao e boni m'am'anaia i bon i rouna, ao akea nanon tauan te Aro i rouna.

Iakobo 2:20

Te aomata ae ko baba! Ko tangira ae na kaotaki nako im b'a te onimaki are akea ana m'akuri e aki manena?

Te Kaotioti 22:18

I taetae ma te koaua nakoia aomata nako akana ongo taeka ni burabeti n te niira ni boki aei: b'a ngkana e raon taeka aikai te aomata n ana taeka tabeua, ao te Atua E na raona naba kaina ake b'aai ni kamamate aika a koreaki taekaia n te niira ni boki aei;

1.Tamuera 12:21

Kam na aki taromaurii taian bouananti! Bon akea m'aakaia, ao a bon aki konaa ni buokingkami ke ni kamaiungkami ngkana kam a reke n te kangaanga.