Mareko 7:4 - Te B'aib'ara

⁴ ao a aki kana naba te am'arake teuana ae karekeaki n te m'akete ngkana a tuai ni kaitiakia moa n ai aron taekana n aia taeka n reirei aia bakatibu. Ao a bati riki tuua ake a anganaki b'a a na tauu, n aron te teboteboki m'angko ma b'aata ma boora aika karaoaki mani bititaom, ma nne ni wene.

Mareko 7:4 Iomraidhean Croise

Taian Areru 26:6

Te UEA, I teboki baiu ni kaotia b'a akea au bure, ao I nakonako n taromauri ni katobibia am Baonikarea,

Itaia 1:16

Tebokingkami ni kaitiakingkami! I a rangi n ribai ami m'akuri aika a buakaka. Ani katoka karaoan te kaairua.

Ieremia 35:5

I kaotinakoi tabeua taian boora aika a on n te wain n reitaki ma tabeua taiani m'angko, ao I mwiina I taku nako ia kanoan Rekaba, “Katoonga te wain!”

Ieremia 4:14

Ma Ierutarem, e bon reke naba ami tai ni iangoi maiumi Teboki taiani bure mai nanomi ao katoka babaairean iango aika a bure,

Mataio 23:25

A na reke kaimi, taani koroboki ma B'aritaio, aika taani m'am'ana-te-aba! B'a kam kaitiaka akuun te m'angko ma te raurau, ma a on nanoia n am'arake ma ninima aika reke n te aro n iowawa ma ni kani b'aib'ai.

Mataio 23:26

Te B'aritaio ae ko mataki, kaitiaka moa nanon te m'angko, ao ane na itiaki naba tinanikuna.

Mataio 27:24

Ngke e noria Birato b'a akea riki te bae e kona ni karaoia, ao b'a e a moanna n riki te kiriwe, ao e anaa te ran, ao e teboki iai baina i mataia aomata, ao e taku, “N na aki bukinaki ni maten te aomata aei; kam na bukinaki iai!”

Mareko 7:8

Kam rawa nakon ana tua te Atua, ao kam ongeaba nakon aia taeka n reirei aomata.

Ioane 2:6

Iai ikekei oneai nen te ran aika karaoaki man atiibu. A katauraoaki i bukini kaitiakaia I-Iutaia n aron are kaeti ma katein aia Aro. Kanoan teaina tao i marenan te m'aiti ae uabwi nakon tenibwi te kaaran.

Ioane 3:25

A kauntaeka ana reirei Ioane ma te I-Iutaia temanna i bukini katein aia Aro are kaeti ma aron te kaitiaki.

Ebera 9:10

ngkai baikai, a tabe ma taekan ti taian am'arake ma ninima ma taian teboka nako, aika tuua i bukin te rab'ata aika a na karaoaki ni karokoa te bong are a na oneaki iai nakon aika a raraoi riki.

Iakobo 4:8

Kam na kaania te Atua, ao ane E na kaaningkami. Kam na kaitiaki baimi, ngkami aika taani bure; ao kam na kaitiaki nanomi, ngkami akana kam nanououa.

1.Ioane 1:7

ma ngkana ti nakonako n te oota n ai arona ngkae E mena n te oota, ao ti i raorao i roura, ao e kaitiakiira raraan Iesu are Natina man te buakaka ni kabane.