Mareko 7:36 - Te B'aib'ara

³⁶ Ao Iesu, E tuangiia aomata b'a a na aki tuanga temanna taekan te baei; ao ngke E kabatiai ana taeka nako ia b'a a na aki tuangiia aomata, ao a kabatia riki tataekinana.

Mareko 7:36 Iomraidhean Croise

Mataio 8:4

E taku Iesu nako ina, “Taraia b'a ko na aki tuanga temanna taekan te baei; ma naako moa kaotiko nakon te ibonga, ao anga te karea n ai aron are e tua Moote, b'a te b'ai ni kakoaua nakoia aomata.”

Mareko 3:12

Ao Iesu E tuangiia tamnei ake a kam'ara akekei ma te b'ana ae matoatoa, b'a a na aki tuanga temanna b'a antai Ngaia.

Mareko 5:43

Ma Iesu E kamatoa b'anaana n tuangiia b'a a na aki tuanga temanna te baei; ao E tua b'a a na angan neierei kanana b'a e na am'arake.

Mareko 7:35

N te tai naba arei, ao te aomata arei e a kona n ongo ao akea te baere tutuka etin ana taetae, ao e a kona te taetae raoi.

Mareko 7:37

Ao aomata ake a ongo, a rangi ni mimi. A taku, “A nako raoi b'aai ni kabane ake E karaoi: b'a E karaoia aika a bono taningaia b'a a na ongo, ao aika a bae neweia b'a a na taetae.”

Mareko 8:26

Ao Iesu E kaoka nako teuarei nakoni mwengana, ao E kangai, “Tai rin n te kawa.”

Mareko 9:9

Ngke a tabe n ruo ri kaki mai aon te maunga, ao E kairoroia b'a a na aki tuanga temanna taekan te b'ai are a tia n noria ni karokoa E a tia ni manga uti man te mate Natin te Aomata.