Mareko 7:3 - Te B'aib'ara

³ B'a a aki kona n am'arake B'aritaio ma I-Iutaia ni kabaneia ngkana a aki teboki moa baiia n ai aron aia taeka n reirei aia bakatibu;

Mareko 7:3 Iomraidhean Croise

Mareko 7:13

Ao aei te katei are e a kakeaki iai ana taeka te Atua i bukin ami taeka n reirei nakoia aomata. Ao a m'aiti riki b'aai aika ai aron aei ae kam karaoi.”

Mareko 7:5

Ao B'aritaio ma taani koroboki a titirakina Iesu ni kangai, A aera am reirei ngkai a aki tou mwin aia taeka n reirei ara bakatibu, b'a a am'arake ma baiia aika tuai ni kaitiakaki?

Ruka 11:38

E mimi te B'aritaio ngke E aki teboki moa baina Iesu i m'ain te am'arake.

Ioane 2:6

Iai ikekei oneai nen te ran aika karaoaki man atiibu. A katauraoaki i bukini kaitiakaia I-Iutaia n aron are kaeti ma katein aia Aro. Kanoan teaina tao i marenan te m'aiti ae uabwi nakon tenibwi te kaaran.

I-Karatia 1:14

E nako raoi riki arou n te Aro n Iutaia nakoia au roro aika bati aika kaain au botannaomata, b'a I bati n tangiri aia taeka n reirei au bakatibu.

I-Korote 2:8

Kam na taraia b'a e kawa temanna ni kairingkami n te rabakau n aomata ae akea bongana ae m'am'ana te aba, ae nako man aia taeka n reirei aomata ao mani baika iai m'aakaia n te aonnaba aei, ma tiaki mairouni Kristo;

1.Betero 1:18

Kam ataingkami b'a kam aki kainaomataki ni baika kai mauna, ae te tirewa ma te koora, man aromi nikawai ae akea manenana, ae kam anganaki mairouia ami bakatibu;