Mareko 7:24 - Te B'aib'ara

²⁴ E kitana te tabo arei Iesu, ao E nako n te tabo ae kaani ma te kawa ae Tuuro E rin i nanon te auti teuana, ao E aki tangira temanna b'a e na ataia ae E mena ikekei; ma E aki kona n ae E na raba.

Mareko 7:24 Iomraidhean Croise

Karikani B'aai 10:15

Natin Kanaan mm'aane bon Titon are te karimoa, ao Eta are boni ngaiia aia bakatibu aomata akana a bon ingoani araia.

Karikani B'aai 10:19

ni karokoa e roko tian Kanaan i Titon are nakoiang nako Kera i rarikin Kaata, ao ni waerake naba nako Tootom, Komora, Atema, ao Teboiim i rarikin Ratia.

Karikani B'aai 49:13

“E na maeka Teburun i rarikin taari. E na riki mataniwin taari are i abana b'a aia matabaiawa kaibuke. E na rokoroko tian abana i Titon.

Itaia 23:12

E a tia n taku te UEA nakoia kaain Titon, “E a roko n tokina ami baka ni kukurei kam a mantinti. E ngae ngkana ko biri nako Kubero, e na bon aki reke naba iroum te rau.”

Itaia 42:2

E na aki takaarua ke n tang ke ni weewete i nanon kawain nuukan te kaawa.

Etekiera 28:2

Etekiera ae natin te aomata, ko na tuanga uean Turo au taeka ae e kaangai: Ko rangi ni kainikatonga b'a ko iangoia b'a te atua ngkoe ao am kaintokanuea te kaawa ae Turo. Ane ko na taekinna b'a te atua ngkoe, ngke bon te aomata ngkoe.

Mataio 11:21

ao E kangai, “A na reke kaimi kaaini Koratin! A na reke kaimi kaaini Betetaita! B'a ngke arona b'a a tia ni karaoaki m'akuri aika kamimii i Turo ao i Titon, ake m'akuri ake a karaoaki i Koratin ao i Betetaita, ao kaain Turo ma Titon a na kamani karin i aoia kunnikai ake a b'ab'ainaki n tain te rawawata, ma ni kabiri mataia ni mannang b'a kaotan rairan nanoia.

Mataio 9:28

Ngke E rin n te auti, ao a roko i Rouna mataki ake uoman; ao E taku Iesu nako ia, “Kam kakoaua b'a I kona ni karaoa te baenne?” A taku nako Ina, “Eng, te Uea!”

Mareko 2:1

Ao i mwin tabeua te bong, ao E a manga roko Iesu i Kaberenaum, ao e taekinaki b'a E mena i nanon te auti.

Mareko 7:23

Baikai ni kabane a nako mai nanon te aomata, ao a kam'araea.”

Mareko 7:25

Ao te aine temanna ae iai natina te teeinaine ae taniaki iroun te tamnei ae kam'ara, e ongo taekan Iesu ao e nako ni kawaria ngkekei naba, ao e b'aka i rarikini waena.

Mareko 7:31

Ao Iesu E kitan taabo ake i rarikin Tuuro, ao E toua kawain te kawa are Titon, ao E ri nukan Tekabori nako namani Kariraia.

1.Timoteo 5:25

Ao ai arona naba, b'a akea te kangaanga ni m'akuri aika raraoi b'a a teretere aroia, ao ake a aki bati n teretere a aki kona n raba.