Mareko 7:17 - Te B'aib'ara

¹⁷ Ngke E kitaniia aomata ao E rin n te auti, ao ana reirei a tuangnga b'a E na kaota nako ia nanon te taetae ni kabotau arei.

Mareko 7:17 Iomraidhean Croise

Mataio 13:10

A roko ngkanne ana reirei Iesu, ao a taku nako Ina, “E aera ngkai Ko taetae nako ia n taeka ni kabotau?”

Mataio 13:36

E kitaniia aomata Iesu, ao E nako n rin n te auti. Ao a roko ana reirei i Rouna, ao a taku, “Ko na kaota nako ira nanon te rongorongo ni kabotau are taekaia titania ake ni nnen uita.”

Mataio 15:15

Ma e taku Betero nako Ina, “Kaota nanon te taeka ni kabotau anne nako ira.”

Mareko 2:1

Ao i mwin tabeua te bong, ao E a manga roko Iesu i Kaberenaum, ao e taekinaki b'a E mena i nanon te auti.

Mareko 3:20

Ao Iesu E nako n te auti. A manga botaki aomata aika m'aiti, ma ngaia are E a aki reke ana tai ma ana reirei ni kamarikeia.

Mareko 4:10

Ao ngke E mena Iesu n ti Ngaia, ao a kawaria aomata tem'angina ake a tia n ongo i Rouna, ao a kawaria naba ana reirei ake tengauni ma uoman, ao a tuangnga b'a E na kab'arab'arai nanon taian taeka ni kabotau.

Mareko 4:34

E aki kona n taetae nako ia n aki kabonganai taeka ni kabotau; ma ngkana ti Ngaia ma ana reirei, ao E kamatatai nanoni b'aai ni kabane nako ia.

Mareko 7:16

Ane iai taningana n ongo ao ke e ongo.

Mareko 7:18

Ao E taku nako ia, “Ao ngkami, kam aki ata naba nanona? Kam aki ataia b'a te b'ai ae rin nako nanon te aomata mai tinanikuna e aki kona ni kam'araea?

Mareko 9:28

Ngke E rin nako nanon te auti Iesu, ao a titirakinna ana reirei ngke ti ngaiia, ao a kangai, “E aera ngke ti aki kona ni kanakoa te tamnei are kam'ara arei?”