Mareko 6:41 - Te B'aib'ara

⁴¹ E anai ngkanne kariki ake nimaai ma ika ake uoman, ao E tara rake nako karawa, ao E kaitaua te Atua. E urui kariki, ao E anganiia ana reirei b'a a na tib'atib'ai ni kaki i mataia aomata; ao E tib'ai naba ika nakoia aomata ni kabaneia.

Mareko 6:41 Iomraidhean Croise

Mataio 14:19

E tuangiia ngkanne aomata b'a a na tekateka i aon uteute; ao e anai kariki ake nimaai ao ika ake uoman, ao E tara rake nako karawa, ao E kaitaua te Atua. E urui kariki ao E angania ana reirei, ao ana reirei a angania aomata.

Mataio 15:36

ao E anai kariki ake itiai ma ika; ao ngke E a tia n tataro ni katituaraoi, ao E urui, ao E anganiia ana reirei, ao ngaiia a manga anganiia aomata.

Mataio 26:26

Ao ngke a am'arake, ao E anaa te berena Iesu, ao E tataro ni katituaraoi, ao E urua, ao E angania ana reirei, ao E kangai, “Anaia, kanna; rab'atau aei.”

Mareko 14:22

Ngke a am'arake, ao E anaa te berena Iesu, ao E tataro ni katituaraoi, ao E urua ni kam'akorokoroa, ao E anganiia, ao E kangai, “Anaia, rab'atau te baei.”

Mareko 6:40

Ma ngaia are a tekateka aomata n aia kurubu nako: iai ae kakatebubua kaaina, ao iai a kakanimangaun.

Mareko 6:42

A bane n am'arake ao a ngae.

Mareko 7:34

E tara rake ngkanne nako karawa, ao E ike rake ni kamanna teutana, ao E taku nakon teuarei, “Eb'ata,” ae nanona, “Uki.”

Mareko 8:19

Kam aki uringa te tai are I urui iai kariki ake nimaai i bukiia aomata ake nimangaa? Irakora b'aene ake a on n nikira ake kam anai?” A kaekaa ao a taku, “Tengauni ma uakora.”

Ruka 24:30

Ngke E taibora n am'arake ma ngaiia, ao E anaa te kariki ao E tataro ni katituaraoi, ao E urua, ao E anganiia.

Ruka 9:16

Ao E anai kariki ake nimaai ao ika ake uoman, ao E tara rake nako karawa, ao E kaitaua te Atua ao E urui, ao E anganiia ana reirei b'a a na kaaki i mataia aomata.

Ioane 11:41

A kaaki ngkanne te atibu. Ao E tara rake Iesu, ao E taku, “Tamau, I kaitauko b'a Ko ongo irou.

Ioane 17:1

Ngke E tia Iesu n atongi baikai, ao E tara rake nako karawa, ao E taku, “Tamau, e a roko te aoa; kaota mimitongin te Nati, b'a E aonga ni kaota mimitongim te Nati.

Ioane 6:11

E anai kariki akekei Iesu, ao E tataro ni katituaraoi, ao E anga b'a a na tib'aki nakoia ake a tekateka. E karaoa naba ae aron aei nakon ika, ao a bane n reke tib'aia n ai aroni m'aitin are a tangiria.

Ioane 6:23

Ma iai tabewa booti ake a roko mai Tiberia nako rarikin te tabo are a kang kariki iai aomata i mwin ana tataro ni katituaraoi te Uea.

M'akuri 27:35

Ngke e a tia n atongi taeka aikai B'auro, ao e anaa teutana te am'arake ao e tataro ni katituaraoa te Atua i mataia ni kabaneia; e anaa ngkanne teutana mai iai, ao e kanna.

I-Rom 14:6

Ane kawakina te bong teuana b'a e kakannato i rouna, ao e kawakinna i bukin te UEA; ao ane kang am'arake nako, ao e kang i bukin te UEA, b'a e katituaraoa te Atua; ao ane aki kang am'arake tabeua, ao e karaoia i bukin te UEA.

1.I-Korinto 10:31

Ma ngaia aei, b'a ngkana kam am'arake ke kam moi, ke kam karaoa riki te b'ai teuana, ao kam na karaoi ni kabane i bukin neboakin te Atua.

Te Tua-Kaua 8:10

Ngkana kam a tibutaua n am'arake, ao kam na neboa te UEA ae Atuami b'a E anganingkami te aba ae raoiroi.

I-Korote 3:17

Ao b'aai ni kabane akana kam karaoi ke kam taekin a riai ni bane ni karaoaki n aran te UEA are Iesu, ao kam na katituaraoa te Atua ae te Tama i bukini Kristo.

1.Tamuera 9:13

ane kam na nooria ngkana kam rin ni mataroan te kaawa. B'a ane i aoni kawaina n otinako nakon te tabo n taromauri b'a e na am'arake ma iruwa ake a kaoaki. A aki kona n am'arake ni karokoa e tia ni kakab'aia te karea. Ngkana kam nako ngkai, ao ane kam na kauia.”