Mareko 6:2 - Te B'aib'ara

² Ao ngke e roko te Taabati, ao E moanna n reirei i nanoni m'aneabaia I-Iutaia; a m'aiti aomata ake a mena ikekei, ao ngke a ongora i Rouna ao a bane ni mimi. A taku, “A reke maia baikai iroun Teuaei? Ao te rabakau ra ae E anganaki? B'a a karaoaki baika kamimii aika ai aron aikai ni baina!

Mareko 6:2 Iomraidhean Croise

Mataio 4:23

E kabuta Kariraia n reirei ni m'aneabaia I-Iutaia, ao n tataekina euangkerion Uean te Atua; ao E katoki aoraki ni kabane, ao mamara ni kabane i buakoia aomata.

Mataio 7:28

Ngke E a tia n atong taeka aikai Iesu, ao a mimii aomata n arona n reirei.

Mareko 1:39

Ao E reirei ni kabutaa aoni Kariraia i nanoni m'aneabaia nako; ao E kanakoia taimonio.

Mareko 10:1

E kitana te tabo arei Iesu, ao E nako n taabo ake i Iutaia ma ake i tinanikun te karaanga are te Ioretan. A manga kawaria naba aomata aika m'aiti, ao E reireiia naba n ai aroni kateina are E tataneiai iai.

Ruka 2:47

E ongora i rouia, ao E titirakiniia; ao ake a ongo i Rouna a mimi n rabakauna ma ana kaeka titiraki.

Ruka 4:15

Ao E reirei ni m'aneabaia I-Iutaia, ao a bane aomata ni kamoamoaa.

Ioane 6:42

Ao a taku, “Tiaki Iesu Teuaei, are natin Ioteb'a? Ti kinaa tamana ma tinana. E na kanga ngkanne ni kaangai, I ruo mai karawa?”

Ioane 7:15

A mimi i rouna I-Iutaia, ao a taku, “E kanga n reke rabakaun te aomata aei, ao E aki rereireiaki?”