Mareko 5:42 - Te B'aib'ara

⁴² N te tai naba arei, ao e tei rake te teeinaine ao e nakonako; b'a ai tebwi ma uoua ana ririki ni maiu. Ngke e riki aei, ao a bane naba ni mimi.

Mareko 5:42 Iomraidhean Croise

Mareko 1:27

A bane aomata ni mimi, ao a i titiraki ni kangai, “Tera te baei? Te reirei ae boou? B'a E taetae ma te m'aaka nakoia anti aika buakaka ao a ongo i Rouna.”

Mareko 4:41

A rangi ni maaku, ao a i taetae i rouia ni kangai, “Antai Teuaei? B'a e ongo i Rouna te ang ma naao!”

Mareko 5:41

E taua bain te teei Iesu, ao E taku nako ina, “Tarita koum, ae nanona, “Te teeinaine, I taku nako im, Tei rake!”

Mareko 5:43

Ma Iesu E kamatoa b'anaana n tuangiia b'a a na aki tuanga temanna te baei; ao E tua b'a a na angan neierei kanana b'a e na am'arake.

Mareko 6:51

E toka i rarikiia n te booti, ao e b'aka te ang. A rangi ni mimi ana reirei,

Mareko 7:37

Ao aomata ake a ongo, a rangi ni mimi. A taku, “A nako raoi b'aai ni kabane ake E karaoi: b'a E karaoia aika a bono taningaia b'a a na ongo, ao aika a bae neweia b'a a na taetae.”