Mareko 5:41 - Te B'aib'ara

⁴¹ E taua bain te teei Iesu, ao E taku nako ina, “Tarita koum, ae nanona, “Te teeinaine, I taku nako im, Tei rake!”

Mareko 5:41 Iomraidhean Croise

Karikani B'aai 1:3

Ao E taku te Atua, “Ke e riki te oota!” Ao e kaoti te oota.

Taian Areru 33:9

B'a E taetae, ao e riki aonnaba; E tua, ao a riki b'aai.

Mareko 1:31

ao E nako n taua baina, ao E kateirakea, ao e a toki naba kabuebuena; ao e touatiniia neierei.

Mareko 1:41

Ao E nanoangaia Iesu, ao E arora baina n riingnga, ao e taku nako ina, “I kani kaitiakiko! Ko na itiaki.”

Mareko 5:40

A ngareakinna. Ma E kabaneia ni kaotinakoia, ao E kaira taman te teei ma tinana, ma uake raona, ao a rin n te tabo are e mena iai te teei.

Mareko 5:42

N te tai naba arei, ao e tei rake te teeinaine ao e nakonako; b'a ai tebwi ma uoua ana ririki ni maiu. Ngke e riki aei, ao a bane naba ni mimi.

I-Rom 4:17

n ai aron are koreaki ni kaangai: “I karaoiko b'a tamaia botannaomata aika bati.” Ma ngaia ae e raoiroi te taeka n akoi i bukin aron te Atua, are e onimakinna Aberaam are te Atua are kamaiuia maate, ao are iai i rouna te kona ni kariki b'aai ngke bon akea.

I-Biribi 3:21

are E na oniki rab'atara aika mangori, b'a a na riki n ai aron rab'atana ae mimitong, ni kabonganaan te m'aaka are E kona iai n tauu taekani b'aai ni kabane.