Mareko 5:23 - Te B'aib'ara

²³ ao e kabanea ana bubuti nako Ina, ao e kangai, “E rangi n aoraki natiu te aine. Nako mai, kaki baim i aona b'a e aonga ni karekea te marurung, ao e na maiu.”

Mareko 5:23 Iomraidhean Croise

2.Uea 5:11

Ma e rangi n un Naaman ao e tannako ma te ngurengure ao e taku, “E aera ngkai e aki otinako n taetae ma ngai? I taku ngai b'a e na otinako n tei i matau ao e na tataro nakon te UEA ae Atuana, ma ni katiotioa baina i aon kuniu are e aoraki ni katoka aorakiu.

Taian Areru 107:19

Ao a wetea te UEA ngke a kai nanoia, ao E kamaiuia man rawawataia.

Taian Areru 50:15

Kam na weteai n tain te kaangaanga; N na kamaiungkami, ao kam na neboai.

Mataio 8:3

E arora baina Iesu ao E riingnga, ao E taku, “Bon nanou; Ko na itiaki!” Ao e a rina naba n toki reberana.

Mareko 16:18

ane a na tabekia naeta; ao ngkana a moi n te b'ai ae kamamate ao a na aki rotaki iai; a na kaaki baiia i aoia aoraki ao ane e na reke i rouia te marurung.

Mareko 5:24

Ao E nako Iesu ma ngaia. A iria aomata aika rangi ni m'aiti n te aro are a karib'a n akea m'awan rarikina.

Mareko 6:13

A kanakoia taimonio aika bati; ao aomata aika m'aiti aika aoraki a kabiraki i rouia n te b'a, ao a kamaiuaki.

Mareko 7:32

Iai aomata tabem'aang ake a kaira nakon Iesu te aomata ae e bono taningana ao e babanga taetae. A butiia Iesu b'a E na katokaa baina i aona.

Mareko 8:23

E taua bain teuare mataki, ao E kairia nako tinanikun te kawa; ngke E tia Iesu ni bawarei matan teuarei, ao E katokai baina i aona, ao E titirakinna ni kangai, “Iai te b'ai ae ko noria?”

Ruka 13:13

Ao E kaaki baina i aona, ao e a eti ngkekei naba nuukana, ao e karaoiroa te Atua.

Ruka 4:38

Ao E tei rake Iesu ao E kitana m'aneabaia I-Iutaia, ao E rin n ana auti Timon. E aoraki tinani buun Timon n te kabuebue ae korakora, ao a tuangnga b'a E na buokia.

Ruka 4:40

Ngke e a bungi taai, ao a bane aomata ake iai i rouia aia aoraki n uotiia nako Ina; ao E katokai baina i aon temanna ma temanna ao a kamaiuaki.

Ruka 7:12

Ngke E a kaan ma mataroan oon te kawa, ao noria, e a uotaki nako Ina te aomata ae mate ae te rikitemanna iroun tinana, ao neierei e a tia ni mate buuna; a rangi ni m'aiti aomata ake a raona neierei.

Ioane 11:3

A kanakoa ngkanne aia rongorongo m'anen Rataro aikai nakon Iesu ma taekana ae kaangai: Te Uea, e aoraki teuare Ko tangiria.

M'akuri 28:8

I nanon ara tai n tiku ikai, ao e wene tamani Boberio, b'a e taonaki n te aoraki ae te kabuebue ae roroko ni korakora, ma te bekararaa. E rin ni kawaria B'auro, ao e tataro ni katokai baina i aona, ao e kamaiuaki man aorakina.

M'akuri 6:6

A kaakiia i mataia taan tuatua; ao a tataro taan tuatua ao a katokai baiia i aoia.

M'akuri 8:17

A katokai baiia ngkanne Betero ma Ioane i aoia, ao a anganaki te Tamnei are Raoiroi.

M'akuri 9:12

ao e nora te aomata, i nanoni kanga te mii, ae arana Anania b'a e roko ni kawaria, ao e katokaa baina i aona, b'a e aonga n noraba.”

M'akuri 9:17

Ao e nako Anania n rin n te auti arei, ao e katokaa baina i aon teuarei, ao e kaangai, “Tauro ae tariu, E kanakomaiai te UEA are Iesu, are kaoti nako im i nanon te kawai, ngke ko nako mai, b'a ko aonga ni manga noraba, ao ni kaonaki n te Tamnei are Raoiroi.”