Mareko 4:36 - Te B'aib'ara

³⁶ A kitaniia aomata aika m'aiti; ao a toka ana reirei i aon te booti are E a kamani mena iai Iesu, ao a kairia b'a raoia. Iai booti tabewa i rarikina.

Mareko 4:36 Iomraidhean Croise

Mataio 8:23

Ngke E toka n te booti, ao a iria ana reirei.

Mareko 3:9

Ao i bukina ngke a rangi ni m'aiti aomata, ao Iesu E tuangiia ana reirei b'a a na katauraoa te booti i bukina, b'a E aonga n aki karib'aki i rouia.

Mareko 4:1

Ao E a manga moana ana reirei Iesu i rarikin te nama are Kariraia. A rangi ni m'aiti aomata ake a botaki nako Ina, ma ngaia are E toka i aon te boti ao E tekateka i nanona. E mena te boti n te nama, ao aomata a tei i rarikin te nama n ua kaan ma te ran.

Mareko 4:37

Ao e karina ni kare te ang ae korakora; ao naao a b'aroa nanon te booti n te aro are e a kani kebo n te ran.

Mareko 5:2

Ao ngke E waerake man te boti, ao E a kaitibo naba ma te aomata ae oti nako mani nneia maate; iai i rouna te tamnei ae kam'ara,

Mareko 5:21

Ao Iesu E a manga okira iteran te nama are teuana n te booti, ao a botaki nako Ina aomata aika rangi ni m'aiti i rarikin te nama.

Mareko 6:32

A toka i aon te booti n ti ngaiia nakon te tabo ae aki maekanaki.

Ruka 8:22

N te bong teuana ao E toka Iesu ma ana reirei i aon te booti, ao E taku nako ia, “Ti a nako n ri nukan te nama nakon iterana are teuana.” Ma ngaia are a nako.