Mareko 4:11 - Te B'aib'ara

¹¹ E taku Iesu nako ia, “Kam a tia n anganaki te baere raba, are b'ain Uean te Atua; ma i bukiia ake i tinaniku, a taekinaki b'aai nako ia n taeka ni kabotau;

Mareko 4:11 Iomraidhean Croise

Mataio 11:25

Ao ni boong akekei, ao E taetae Iesu ni kangai, I karab'ako, Tamau, ae Ueani karawa ma aonnaba, b'a Ko karabai baikai nakoia akana rabakau ma akana wanawana, ao Ko kaoti nakoia merimeri.

Mataio 13:16

Ma a kab'aia matami b'a a noraba; ao taningami b'a a ongo!

Mataio 16:17

Ao E kaekaa Iesu ni kangai, “Ko a kab'aia, Timon ae natin Iona! B'a tiaki te aomata ae kaota aei nako im, ma E kaotia Tamau are i karawa.

Mareko 3:23

Ao Iesu E weteia ao E taetae nako ia n taeka ni kabotau, ao E kangai: E na iranna Tatan ni kanakoa Tatan?

Mareko 4:10

Ao ngke E mena Iesu n ti Ngaia, ao a kawaria aomata tem'angina ake a tia n ongo i Rouna, ao a kawaria naba ana reirei ake tengauni ma uoman, ao a tuangnga b'a E na kab'arab'arai nanon taian taeka ni kabotau.

Mareko 4:2

Ao E reireiia baika bati n taeka ni kabotau, ao E taku:

Ruka 8:10

ao Ngaia E taku, Kam anganaki te kona n atai baike a raba ake b'ain uean te Atua; ma a anganaki aomata aika bati n taeka ni kabotau, b'a a na taratara ma a na aki noraba, ao a na ongora ma a na aki atatai.

1.I-Korinto 4:7

B'a antai ae karaoiko b'a e na raka arom nakoia tem'angina? Ao tera ae iai i roum ae ko aki anganaki? Ao ngkana e a tia n reke i roum, ao ko aera ngkai ko kamoamoako b'a aongkoa ko aki anganaki?

2.I-Korinto 4:6

B'a bon te Atua, are kangai, “E na oota te oota mai buakon te roo!” Bon te Atua naba aei are kaota ana oota i nanora, b'a ti na ata mimitongin te Atua b'a e oota man ubun Iesu.

I-Ebeto 1:9

ao E a tia ni kaota nako ira nanona ae raba, n ai aron nanona are E tangiria, are E a kamani baireia i nanona;

I-Korote 4:5

Kam na nakonako ma te wanawana i mataia akana tuai n onimaki, ni kamanenai raoi ami tai.

1.I-Tetaronike 4:12

Ao n te aro aei kam na kamoamoaki iai irouia aomata ake tiaki kaain te ekaretia, ao a na akea te bae kam na kainanoia.

1.Timoteo 3:7

E riai n riki b'a te aomata ngaia ae karineaki irouia aomata aika tiaki kaain te ekaretia, b'a e kaawa ni kamangoraki arona ao e b'aka i nanon ana b'ai ni kam'am'ane te riaboro.

1.Ioane 5:20

Ao ti ata Natin te Atua b'a E a roko, ao E anganira te atatai, b'a ti na ata Teuare koaua; ao ti nim ma Teuare koaua, ti reitaki ma Natina are Iesu Kristo. Bon aei te Atua ni koaua, ao te maiu are aki toki.