Mareko 3:17 - Te B'aib'ara

¹⁷ ao Iakobo ma tarina are Ioane ake natin Tebetaio (E araniia b'a Boanereke, ae nanona, natin te baa-ni-karawa).

Mareko 3:17 Iomraidhean Croise

Itaia 58:1

Takaarua te rongorongo! Tai taua. Ko na kaangai nakoia au aomata ae Iteraera: Kam a tia ni bure! Ko a tia n rairaki nako mai roun te UEA.

Ieremia 23:29

Au taeka bon te ai ae e korakora; bon te aama ae urui taiani b'a akanne.

Mataio 4:21

Ngke, E wakina nako riki kawaina maikekei, ao E a manga noriia taari-mm'aane aika uoman are Iakobo ma Ioane ake natin Tebetaio. A mena n aia booti ma tamaia are Tebetaio, b'a a bonobonoti raeuakin aia karaun; ao E weteia.

Mareko 10:35

A roko ngkanne iroun Iesu Iakobo ma Ioane ake natin Tebetaio, ao a taku nako Ina, “Te Tia Reirei, ti tangiriko b'a Ko na karaoa nako ira te b'ai ae ti na butiko iai.”

Mareko 14:33

E kaira Betero ma Iakobo ma Ioane b'a raona, ao E a moanna n taonaki n te nako n nano ae korakora ma te rawawata ae bati.

Mareko 3:16

Ao aikai te koraki akekei: Timon are E aranna b'a Betero;

Mareko 3:18

ao Anterea, ma Biribo, ma B'aretorom'aio, ma Mataio, ma Toma, ma Iakobo are natin Areb'aio; ao Tataio, ma Timon are te tia tauanen i bukin abana,

Mareko 5:37

Ao akea temanna ae E kariaia b'a e na iria b'a ti Betero ma Iakobo, ao Ioane are tarin Iakobo.

Mareko 9:2

I mwin onobong, ao Iesu, E kaira Betero ma Iakobo ma Ioane nako aon te maunga ae rietaata, ao a tiku iai n ti ngaiia. A nora Iesu b'a e bitaki taraana,

Ruka 9:54

Ao ana reirei, are Iakobo ma Ioane, ngke a ata te baerei, ao a taku, “Te Uea, Ko tangirira b'a ti na kab'aka te ai mai karawa b'a e na kamaunaia?”

Ioane 21:2

a botaki i rarikin te nama reirei aikai, Timon Betero, Toma are aranaki b'a te Bwebwee, ao Natanaera are kaaini Kana are i Kariraia, ao natin Tebetaio ake uoman, ao uoman riki ana reirei.

M'akuri 12:1

Ao ni boong naba akekei, ao e b'ainikiriniia kaain te ekaretia tabem'aang Erote are te uea.

Ebera 4:12

B'a e maiu ana taeka te Atua, ao e m'am'akuri ao e kakang riki nakoni kabaang aika uaitera wiia ni kabane, ao e ewara nako te aomata nakon te tabo are a kaitibo iai te maiu ma te tamnei, ao taian toma n ri ma kanoan ri; ao e atai raoi ana iango te nano ma baika riki iai.

Te Kaotioti 10:11

Ao I tuangaki ae kaangai, “E riai b'a ko na manga taetae ni burabeti i bukiia natanaomata ma botannaomata ma aomata nako aika a kakaokoro aia taetae, ao i bukiia naba uea aika bati.”