Mareko 2:5 - Te B'aib'ara

⁵ Ao Iesu, ngke E noori aia onimaki, ao E taku nakon te nakibaina, “Natiu, a kab'araki am bure.”

Mareko 2:5 Iomraidhean Croise

Karikani B'aai 22:12

Ao E taku te anera, “Ko na tai kaikoaka te ataei, ke ni karaoa te b'ai teuana nakoina. I ataia ngkai b'a ko bon ongotaeka iroun te Atua, b'a ko aki taua natim te mm'aane ae te rikitemanna mai Rouna.”

Taian Areru 103:3

E kab'arai am bure ni kabane; ao E kamaiuko man aorakim ni kabane.

Itaia 38:17

A roko taai aika a matoatoa n aron aikai i bukin iangoan arou. Ma e kaawakinai am tangira man te kabuanib'ai i nanon te m'anono ae e nano, ao Ko aki kubari au bure nako.

Itaia 53:11

Ti na karekea raoi nanon te ongotaeka iroun te UEA i nanon rawaawatan te tia m'akuri. E ngae ngke akea ana bure, ma e na bon anaa naba tuaaia taani bure tem'angina, b'a a aonga ni m'aiti mai buakoia aika a na b'ara aia bure.

Mataio 9:2

Ao noria, iai aomata tabem'aang ake a uota nako Ina te aomata ae nakibaina, ae wene i aon te nne ni wene. Ngke E nori aia onimaki Iesu, ao E taku nakon te nakibaina, “Natiu, tai raraoma! A kab'araki am bure.”

Mataio 9:22

E rairaki Iesu, ao ngke E nora neierei, ao E taku, “Natiu, Tai raraoma, e kamaiuko am onimaki.” Ao e kamaiuaki te aine arei n te tai naba arei.

Mataio 9:5

E nga ae bebete riki, atongan ae kangai, ‘A kab'araki am bure’? Ke ae kangai, Tei rake ao nakonako?

Mareko 2:6

Iai taani koroboki ake a tekateka ikekei ma n titiraki i nanoia, ni kangai,

Mareko 5:34

E taku Iesu nako ina, “Natiu, e kamaiuko am onimaki; naako ma te rau, ao ko na kamaiuaki man aorakim.”

Ruka 5:20

Ngke E nori aia onimaki Iesu, ao E taku, “Teuaei, a kab'araki am bure.”

Ruka 8:48

Ao E taku Iesu nako ina, “Natiu, e kamaiuko am onimaki; naako ma te rau!”

Ioane 2:25

ao akea ae E kainanoia b'a e na tuangnga aroia aomata, b'a E bon ata are i nanon te aomata.

Ioane 5:14

E aki rangi ni maan i mwin arei, ao Iesu E nora teuarei n te Tembora, ao E taku nakoina, “Noria, ko a tia ni kamaiuaki, ma ngaia are ko na aki manga bure, b'a e kaawa n riki nako im te b'ai ae buakaka riki.”

M'akuri 11:23

Ngke e roko ao e nora aron ana akoi te Atua nakoia, ao e kim'areirei; ao e kaungai nanoia ni kabane b'a a na nim ma te UEA ma nanoia ni koaua.

M'akuri 14:9

E ongora irouni B'auro ngke e taetae; ao B'auro e katokai matana n taraia, ao e ataia b'a iai i rouna te onimaki are e konaaki ni kamaiuaki iai

M'akuri 5:31

E neboia te Atua ni kaaki i rarikina b'a te Mataniwi Ngaia ao te Tia Kamaiu: b'a E aonga n reke nakoia Iteraera aia tai n rairi nanoia ao ni kab'araki aia bure.

1.I-Korinto 11:30

Ao anne bukin ae a bati iai i buakomi aika mamara ma aika aki konab'ai, ao a tia ni mate tabem'aang.

2.I-Korinto 2:10

Ma ane kam kab'ara ana bure, ao Ngai I kab'ara naba; b'a ane I a tia ni kab'ara, ngkana tao iai, ao I boni kab'ara i bukimi i matani Kristo,

I-Ebeto 2:8

B'a kam kamaiuaki n te akoi i bukin te onimaki; ao tiaki mai roumi ae reke iai aei, ma bon ana b'ai n tituaraoi te Atua;

I-Korote 3:13

Kam na i taotaon nanomi, ao kam na i kab'ara bure i roumi, ngkana iai aki raun nanon temanna iroun temanna. B'a aron te UEA ni kab'ara ami bure, ao ai bon aromi naba nako imi.

Iakobo 5:15

Ao ane e na kamaiua te aoraki te tataro n onimaki; E na kaokaki marurungina nakoina iroun te Uea, ao a na kab'araki ana bure ngkana e a tia ni bure.