Mareko 2:27 - Te B'aib'ara

²⁷ Ao E taku nako ia, “E karaoaki te Taabati i bukin te aomata, ma e aki karaoaki te aomata i bukin te Taabati;

Mareko 2:27 Iomraidhean Croise

Te Otinako 23:12

Kam na m'akuri ni bong ake onobong n te wiiki, ao kam na motirawa ma ni katoki kuami n te kaitiua ni bong. E na aki ti b'ainaki te tua aei i roumi, ma irouia naba ami kaomm'aane, aati, ao ami toro, ai uana naba ma iruwa akana a maeka i buakomi.

Itaia 58:13

Ma i m'aain anne, kam na riai moa ni karinea te Taabati ae kaanga ai aron kakukurein te bong n taromauri. Kam riai ni katoka karaoan ao tataekinan te b'ai ae kam tangiria ni karaoia n te bong ae e rine aei.

Etekiera 20:12

Ao I tuangiia b'a a na karinea te bong ae te Taabati b'a kanikinaeana b'a a tabu b'a Au b'ai.

Etekiera 20:20

I tuangiia b'a a na karinea Au Taabati ni kaotia b'a Au aomata ngaiia ao Ngai aia UEA ae Atuaia.

Mareko 2:28

ma ngaia ae Natin te Aomata bon Uean naba te Taabati.”

Ruka 6:9

Ao E taku nako ia Iesu, “I tuangngkami, e ekakinako te tua i bukin te Taabati ni karaoan ae raoiroi ke ae buakaka nakon te aomata, ni kamaiuana ke ni kamateana?”

Ioane 7:23

Ngkana e korotabonim'aneaki te aomata n te Taabati, n te aro ae e aki uruaki iai te tua are e anga Mote, ao tera bukin ae kam na un iai irou ngkai I kamaiua te aomata n te Taabati?

2.I-Korinto 4:15

B'a bon i bukimi baikai ni kabane; ao ngkai a bati riki aomata aika kamaiuaki n ana akoi te Atua, ao a na kabati riki tataro ni katituaraoi i bukin neboan te Atua.

Te Tua-Kaua 5:12

Kam na karinea te bong ae te Taabati bon Au b'ai.

Te Tua-Kaua 5:14

ma bon Au b'ai te kaitiua ni bong, Ngai ae Atuami. Bon akea ae na m'akuri n te bong anne--ngkami, ami ataei, ami kao ke ami aati ke ami man tabeua, ao ami iruwa naba ake a maeka n ami kaawa. Ao kam na aki kam'akuriia naba ami toro.

I-Korote 2:16

Ma ngaia are tai kariaia temanna b'a e na baireia b'a tera ae kam na kanna ao kam na nimma, ao tai kariaia naba b'a e na tuangngkami b'a kam na kawakina bongin te toa teuana, ma te Toa ae Moan Otin Nam'akaina, ma Taabati.