Mareko 2:15 - Te B'aib'ara

¹⁵ I mwiina ao Iesu e am'arake n ana auti Rewi, ao a raonna n am'arake taan anai taekiti ma aomata aika buakaka aika m'aiti, ma ana reirei; b'a a m'aiti aomata ake a iririia.

Mareko 2:15 Iomraidhean Croise

Mataio 5:46

B'a ngkana kam tangiriia akana tangiringkami, ao tera te b'ai n tituaraoi ae kam na karekea iai? Tiaki a karaoa naba aei taan anai taekiti?

Mareko 2:14

Ao ngke E waki i aoni kawaina, ao E nora Rewi are natin Areb'aio b'a e tekateka n aobitin te taekiti; ao E taku Iesu nako ina, “Ko na irirai.” Ao ngaia e tei rake ao e iria.

Mareko 2:16

Ao ngke a nora Iesu taani koroboki ma B'aritaio b'a E am'arake ma taan anai taekiti ma aomata aika buakaka, ao a taku nakoia ana reirei, “E aera ngkae E am'arake ma ni moi ma taan anai taekiti ma aomata aika buakaka?”

Ruka 15:1

A nako taan anai taekiti ma aomata aika buakaka ni kaania Iesu b'a a na ongora i Rouna.

Ruka 6:17

Ao E ruo Iesu man te maunga ma uake tengauni ma uoman ao E tei n te tabo ae aoraoi ni botaki ma ana reirei aika rangi ni m'aiti ao aomata aika bati ake a roko mai Iutaia ao Ierutarem ao man taabo ake i rarikin taari i Tuuro ao i Titon. A roko b'a a na ongora iroun Iesu ao a na kamaiuaki man aorakiia;