Mareko 2:13 - Te B'aib'ara

¹³ Ao Iesu E a manga nako rarikin te nama; ao a bane n nako Ina aomata, ao E reireiia.

Mareko 2:13 Iomraidhean Croise

Mataio 13:1

N te bongi naba arei, ao E nako Iesu man te auti, ao E tekateka i rarikin te nama.

Mataio 9:9

Ngke E kitana ikekei Iesu, ao e nora te aomata ae arana Mataio, b'a e tekateka n aobitin te taekiti; ao E taku nako ina, “Ko na irirai.” Ao Mataio e tei rake n iria.

Mareko 1:45

Ao e taon nako, ao e a moana naba tataekinan te baerei ni katanoata rongorongona. Ma ngaia are E aki kona n rin n te kawa Iesu, ma E a mena naba n taabo ake aki maekanaki. Ao a kawaria aomata man taabo nako.

Mareko 10:1

E kitana te tabo arei Iesu, ao E nako n taabo ake i Iutaia ma ake i tinanikun te karaanga are te Ioretan. A manga kawaria naba aomata aika m'aiti, ao E reireiia naba n ai aroni kateina are E tataneiai iai.

Mareko 2:2

Ao a botaki aomata aika bati, ma ngaia are akea te nne ae m'awa, ao akea naba n te mataroa; ao E kab'arab'ara nako ia.

Mareko 4:1

Ao E a manga moana ana reirei Iesu i rarikin te nama are Kariraia. A rangi ni m'aiti aomata ake a botaki nako Ina, ma ngaia are E toka i aon te boti ao E tekateka i nanona. E mena te boti n te nama, ao aomata a tei i rarikin te nama n ua kaan ma te ran.

Ruka 19:48

ma akea te kawai teuana ae a kona ni karaoia iai, b'a a bane aomata ni kan ongora i Rouna.

Ruka 21:38

N te moa n ingabong n te bong ae koraki, ao a babane aomata n nako Ina n te um'antabu, b'a a na ongora i Rouna.