Mareko 16:1 - Te B'aib'ara

¹ Ngke e a toki te Taabati, ao a kabooi baika boiarara Nei Maria are te I-M'aketara ma Tarome ma Nei Maria are tinan Iakobo, b'a a na nako ni kabira rab'atan Iesu.

Mareko 16:1 Iomraidhean Croise

Karikani B'aai 50:2

Ao i mwiina e anga ana taeka b'a e nang karaoaki rab'atan tamana b'a e na aki buakaka.

2.Rongorongo 16:14

Mai m'aaina, ao bon iai ruanimaten Ata ae e a tia n ekeaki n te tabuki are e b'a i Ierutarem. Ma ngaia are, e bon taunaki ikekei, ao e kanoaaki te ruanimate arei ni b'aai ni kaboiarara, ao taiani b'a aika boiarara. Ao i mwiina, a karaoa aia kaura ai aomata i bukin karineana.

Mareko 14:3

Ao ngke E mena Iesu i Betania, n ana auti Timon are te rebera, ngke E rarikiriki n am'arake, ao e roko te aine temanna ma uotana te b'atoro ae karaoaki man te atibu ae te arab'ata, ao kanoana te kabira ae rangi ni boiarara ae te naro ni koaua, ae e rangi ni m'aiti boona. E urua nnen te kabira anne, ao e kab'aroa te b'a i aon atuun Iesu.

Mareko 14:8

E a tia ni karaoa are e kona neiei: e a tia ni kaboiarara rab'atau ni katauraoia i m'ain taunakiu.

Mareko 15:40

Iai naba aine ikekei ake a mataku mai kiraroa; ao e mena i buakoia Nei Maria are te I-M'aketara, ao Nei Maria are tinan Iote ma Iakobo are te ataei riki; ao raoia naba Tarome,

Mareko 15:42

Ngke e a kani bong, ngke ai tain te katauraoi are te bongina i m'ain te Taabati,

Mareko 15:47

Ao Nei Maria are te I-M'aketara ma Nei Maria are tinan Iote a nora te tabo are e kaweneaki iai rab'atan Iesu.

Mareko 16:2

Ngke e moantaai n te ingabong ni moani bongin te wiiki, ao a roko n te nne ni mate ngke e a tia n oti taai.

Mareko 16:8

A oti nako man te nne ni mate ao a biri nako, b'a a ruru ao a mimi; ao akea te b'ai teuana ae a kaotia nakon temanna b'a a taonaki n te maaku.

Ruka 23:54

Arei te bong are a katauraoi iai b'aai I-Iutaia i bukin te Taabati ngke e a kan roko.

Ruka 23:56

A oki ngkanne, ao a karaoi baika boiarara ma kabira. A motirawa n te Taabati n ai aron taekana n te tua.

Ruka 24:1

Ngke e a ingabong, i m'ain otin taai, ni moani bongin te wiiki, ao a nako nakekei nakon te nne ni mate, ma baike a boiarara ake a tia ni katauraoi.

Ioane 19:25

Ao a tei i rarikin ana kaibangaki Iesu tinana ma tarin tinana are Nei Maria are buni Keroba, ao Nei Maria are te I-M'aketara.

Ioane 19:31

Bon te bongi ni katauraoi te bong arei, ma ngaia are a butiia Birato ibonga ake mataniwi b'a a na oteaki waeia uake a tauraki n te kaibangaki, ao a na karuoaki rab'ataia b'a a na aki tiku n tine n te kaibangaki ni karokoa bongin te Taabati, b'a te bong ae kakannato te Taabati arei.