Mareko 13:9 - Te B'aib'ara

⁹ “Ma kam na tarataraingkami, b'a ane a na kateingkami i matani kabowi, ao ane kam na oreaki i nanoni m'aneabaia I-Iutaia; ao ane kam na tei i mataia taan tautaeka ma uea i buku, b'a kam na taekina te koaua nako ia.

Mareko 13:9 Iomraidhean Croise

Mataio 5:22

ao Ngai I taku nako imi, b'a ane un nakon tarina, ao e na kateaki n te kabowi b'a e na baireaki taekana; ao ane kangai nakon tarina, Akea warem; ao e na tei i matan te Tanirim b'a e na baireaki taekana iai; ao ane atonga tarina b'a akea uaana ao e na motikaki taekana b'a e na teweaki nako n te ai are i moone.

Mareko 1:44

Ao E taku, “Tarataraiko b'a ko na aki tuanga temanna; ma naako moa, kaotiko nakon te ibonga, ao anga baike e tua Moote b'a b'aini kaitiakam, b'a te b'ai ni kakoaua nakoia aomata.”

Mareko 13:5

E taku Iesu nako ia, “Kam na tarataraingkami b'a a na akea ae na burebureingkami.

Mareko 13:8

Ane e na tei rake te botannaomata teuana ni buakana te botannaomata teuana, ao te uea temanna ni buakana te uea temanna; ane e na roko m'aeiein te aba n taabo nako, ao ane a na roko roongo. Aikai karawawata aika a na roko moa.

Mareko 6:11

Ao ngkana kam kawara te kawa teuana ma a aki butim'aingkami kaaina ao a aki kan ongora i roumi, kitanna ao taei bubun aontano mai waemi b'a te b'ai ni kakoaua nako ia b'a a aki mutiakiningkami.”

Ruka 9:5

Ao n te tabo are kam aki butim'aeaki iai irouia kaaina, ao ngkana kam kitana te kawa anne, ao taei bubun aontano mai waemi b'a te b'ai ni kakoaua nako ia b'a a aki mutiakiningkami.”

Ioane 15:20

Kam na uringa te taeka are I atongnga nakoimi are kaangai, ‘E aki kakannato riki te toro nakon ana uea.’ Ngke a b'ainikirinai, ao a na boni b'ainikiriningkami naba; ngke a ongeaba nakon au taeka, ao a na bon ongeaba naba nakon ami taeka.

Ioane 16:2

Ane kam na tukaki b'a kam na aki manga roko ni m'aneabaia I-Iutaia, ao e na roko te aoa are e na taku iai ane kamateingkami b'a ngke e karaoa aei, ao e karaoia i bukin neboan te Atua.

M'akuri 21:11

Ngke e roko iroura, ao e anaa kabaean nuukani B'auro, ao e kabae baina ma waena i bon i rouna iai, ao e taku, “Aikai ana taeka te Tamnei are Raoiroi, Ane a na kabaea te aomata ae ana b'ai te kabaea n nuuka aei I-Iutaia ake i Ierutarem, ao a na anga nako nanoni baiia aomata aika tiaki I-Iutaia.”

M'akuri 7:54

Ngke a ongo taeka akekei kaain te Tanirim, ao a tenai bukini m'angaia b'a a rangi n un iroun Tetebano.

M'akuri 9:16

Ao N na kaoti nakoina baika bati aika e riai ni karawaawataaki iai i bukin arau.”

I-Biribi 1:29

B'a kam anganaki i bukini Kristo tiaki ti te onimakinna, ma te b'ainikirinaki naba i bukina.

2.I-Tetaronike 1:5

E a kaotaki ni baikai b'a e eti ana moti te Atua b'a kam aonga n atongaki b'a kam tau n anganaki Uean te Atua, are kam b'ainikirinaki i bukina.

2.Ioane 1:8

Kam na tarataraingkami b'a kam na tai kabuai baike kam m'akuri i bukiia; ma kam na karekei kaniwangami aika b'anin raoi.

Te Kaotioti 1:9

Ngai ae Ioane, ae tarimi, ae raomi n uaia n rawawata ma ni kaaina Ueani Kristo ma ni b'aina te nanom'aka ngkai ti reitaki ma Iesu, I mena i aon te abam'akoro ae Batemoti, i bukin ana taeka te Atua ao i bukin naba te koaua are E tataekinna Iesu

Te Kaotioti 2:10

Ko na tai makui baika ko nangi maraki iai; noria, ane e nang kaakiia tabem'aang i buakomi te riaboro i nanon te karabuuti, b'a kam aonga ni kataaki iai, ao tengaun ami bong ni maraki iai. Ko na kakaonimaki ni karokoa matem, ao N na anganiko te bau are te maiu.

Te Kaotioti 2:13

I ata ike ko mena iai, ike e mena iai ana kaintokanuea Tatan: ko kakaonimaki nako iu, ao ko aki kaaki arom n onimakinai n te tai are e kamateaki iai Antib'ati are au tia kaotioti are kakaonimaki, are kamateaki i buakomi, ike e maeka iai Tatan.