Mareko 13:2 - Te B'aib'ara

² E kaeka Iesu ao E taku, “Ko nori auti aika ab'ab'aki aikai? Akea te atibu teuana ae na tiku ni nnena, b'a a na bane ni kab'akaki.”

Mareko 13:2 Iomraidhean Croise

Ieremia 26:18

ngke e uea ngkoa te uea are Etekia i aon Iuta, ao e roko te burabeti are Mika man te kaawa are Moreteta ao e taku: “Bon aei Au taeka Ngai ae te UEA ae Moan te M'aaka, E na riai ni kamarauaki Ierutarem kaanga te tawaana, ma n tiku ni urubekebeke. E na onrake taiani maunga n taiani kai aika a kateketeke ike e tei iai ngkai te Tembora.

Taniera 9:26

Ao n tokin te tai ane onobwi ma uoua te ririki, e na tiringaki ana tia kairiiri te Atua n te aro ae e aki eti. E na kamaunaaki te Tembora ma kaawa iroun ana taanga ni buaka te tia tautaeka ae e korakora. E na roko te toki n ai aron te ieka, ma uotana are te buaka ma te urub'ai are e a tia ni katauraoia te Atua.

Mika 3:12

Ao i bukim, e na kamarauaki Tion kaanga te tawaana, ao e na riki Ierutarem b'a b'ariko ni b'ai aika a uruaki, ao tabukin te Tembora, e na riki b'a te buakonikai.

Mataio 24:2

Ao E kaekaia Iesu ni kangai, “Tiaki kam nori baikai ni kabane? E koaua ae I a tuangngkami b'a ane e na bon aki tiku ikai te atibu teuana i aon te atibu teuana; a na bane ni kab'akaki.”

Ruka 21:6

“Ni kaeti ma b'aai aika kam noori aikai, ane a na roko boong are e na aki noraki n tiku ikai te atibu teuana i aon teuana. A na bane ni kab'akaki i aontano.”

M'akuri 6:14

b'a ti ongo i rouna ngke e taku b'a e na urua te tabo aei Iesu are te I-Natareta, ao E na oniki katei ake e anganira Mote!”

Te Kaotioti 11:2

Ao ko na katuka te ru are i tinanikun te tabo are tabu n te Tembora n aki baireia, i bukina b'a e katukaki i bukiia botannaomata ake a na toutoubeka aon te kaawa are tabu abwi ma uoua te nam'akaina.