Mareko 13:10 - Te B'aib'ara

¹⁰ Ma i m'ain rokon te toki, ao e riai b'a e na tataekinaki te euangkerio nakoia botannaomata ni kabaneia.

Mareko 13:10 Iomraidhean Croise

Mataio 12:41

Ane a na kaoti I-Ninewe n te bongi ni motikitaeka ma kaain te roro aei, ao ane a na kabuakakaia kaain te roro aei; b'a a rairi nanoia I-Ninewe n ana kab'arab'ara Iona; ao noria, iai ikai ae kakannato riki nakon Iona.

Mataio 24:14

Ao ane e na tataekinaki euangkerion Uean te Atua i aonnaba ni kabuta, b'a a aonga n reke aia tai ni butim'aia aomata nako; ao ngkanne ai tib'a ana tai te toki are e na roko iai.

Mareko 16:15

Ao E taku nako ia, Kam na nako n taabo nako ao tataekina te euangkerio nakoia kaain aonnaba ni kabaneia.

I-Rom 1:8

I rimoa moa ni kaitaua Atuau iroun Iesu Kristo i bukimi ni kabaneingkami, i bukin ami onimaki ae taekinaki i aonnaba ni bane.

I-Rom 10:18

Ma I taku, A tuai n ongo Iteraera? A bon tia-n ai aron taekana are kaangai: “E oti nako b'anaaia ni kabuta aonnaba ni kabane, Ao a nako aia taeka nako tabon aonnaba.”

I-Rom 15:19

Ao N na bon ninikoria naba n taekina aroni Kristo ni karaoani kanikina ma m'akuri aika kamimii ni m'aakan te Tamnei are Raoiroi. Ma ngaia are, ni m'anangau nakon taabo nako ake I a tia n roko iai, mai Ierutarem ni karokoa aonon Iruriko, ao I a tia n tataekina euangkerioni Kristo.

I-Korote 1:23

Ma kam bon riai ni matoatoa ma n nene n ami onimaki, ao kam na aki kam'aingaki man te kaantaninga are reke i roumi ngke kam ongo taekan te euangkerio; are e tataekinaki nakoia aomata ni kabaneia i aonnaba ni kabuta ao are I riki iai, ngai ae B'auro, b'a te tia m'akuri i bukina.

I-Korote 1:6

are roko i roumi ao i aonnaba ni kabane: ao e kariki uaa ma n riki rake naba i nanomi man te bong are kam ongo taekana iai, ao n ata raoi ana akoi te Atua n arona ni koaua.

Te Kaotioti 14:6

Ao I nora te anera temanna b'a e kibakiba i eta ike e rietaata i aani karawa, ao iai i rouna te rongorongo ae e raoiroi n aki totoki are e na tataekinna nakoia aomata ake a mena i aon te aba, ao nakoia botannaomata ni kabaneia ma baronga ma natanaomata ma aomata nako aika a kakaokoro aia taetae.