Mareko 12:6 - Te B'aib'ara

⁶ Ai ti temanna te nikira ae tuai ni kanakoaki b'a natin teuarei ae te mm'ane ae tatangiria. E a kanakoa ngkanne b'a ai te kabane, ao e taku, ‘Ane a na karinea natiu.’

Mareko 12:6 Iomraidhean Croise

Karikani B'aai 22:12

Ao E taku te anera, “Ko na tai kaikoaka te ataei, ke ni karaoa te b'ai teuana nakoina. I ataia ngkai b'a ko bon ongotaeka iroun te Atua, b'a ko aki taua natim te mm'aane ae te rikitemanna mai Rouna.”

Karikani B'aai 22:2

Ao E taku te Atua, “Ko na anaa natim te mm'aane ae te rikitemanna ae ko rangi n tangiria are Itaaka, ao naako nakon te aba are Moria. Ao ko na anga b'a am karea nako iu i aon te maunga ae N na kaotia nakoim.”

Karikani B'aai 37:3

Ao e tangira riki Ioteb'a teuare Iakob'a nakoia natina mm'aane ake tabeman, i bukina ngke bon te nati ni kara. Ao e karaoa naba ana kunnikai ae m'arairai baina, ae bati matana.

Karikani B'aai 44:20

Ao ti taku, ‘Eng, iai tamara ae e a kara, ao iai naba tarira ae uarereke, ae e a tib'a bungiaki ngke e a boni kara. E a tia ni mate tarin Beniamin, ao bon ti ngaia ngkai ae e maiu, ao e rangi n tatangiraki iroun tamana.

Taian Areru 2:12

Kaota karinean natina b'a ngkana kam aki, ao E na un iai, ao E na kamaunaingkami. Ma E na kakab'aiaia ni kabane akana a biri nakoina.

Taian Areru 2:7

N na taekina te berita are E atongnga te UEA nako iu: “Natiu ngkoe, b'a n te bong aei I a riki b'a tamam.

Itaia 42:1

Aio au tia m'akuri! I a tia ni kakorakoraa. Bon au rinerine; I kukurei i rouna. I a tia n anganna Tamneiu, ao e na uota te eti nakoia botannaomata.

Mataio 1:23

“Noria, ane e na kariki te kibono, ao e na bungia te nati te mm'aane, ao a na aranna b'a “Emmanuera,” ae nanona, “Te Atua i roura.”

Mataio 11:27

“I anganaki b'aai ni kabane iroun Tamau; ao akea ae ata te Nati, ma ti te Tama ae ataia; ao akea ae ata te Tama, ma ti te Nati ae ataia, ao ane E kani kaotia te Nati nako ina.

Mataio 17:5

Ngke e tabe n taetae Betero, ao akea b'a e a kaoti naba te nang ae raneanea, ao e b'aka nuuna i aoia. E roko te b'ana man te nang ae kangai, “Natiu Teuaei ae tangiraki i Rou, ae I kakatonga i Rouna; kam na ongo i Rouna!”

Mataio 26:63

Ma E kainab'aabu Iesu. Ao e taku mataniwiia ibonga nako Ina, “I titirakiniko i matan te Atua ae maiu, b'a Ko na tuangiira b'a tao te Kristo Ngkoe, are Natin te Atua.”

Mataio 3:17

ao noria te b'ana mai karawa ae kangai, “Natiu aei ae tangiraki i Rou, ae I kakatonga i Rouna.”

Mareko 1:11

ao e roko te b'anaa mai karawa, ae kangai, “Boni Ngkoe Natiu ae Ko tangiraki i Rou, I kakatonga i Roum.”

Mareko 12:5

E a manga kanakoa naba temanna te toro, ao a tiringnga: ao akanne aroia nakoia aika m'aiti riki ake a tia ni kanakoaki nako ia, b'a a batiboia tem'angina ao a tiringiia tem'angina.

Mareko 12:7

Ma a i taetae i rouia taani m'akuri ni nnen te kureebe ao a kangai, ‘Aei te tia b'aib'ai i mwin tamana; bane mai b'a ti na kamatea b'a ti aonga ni b'aib'ai i mwina.’

Mareko 9:7

Ao e kaoti te nang, ao e b'aka nuuna i aoia. E roko te b'anaa man te nang ae kangai, “Natiu Teuaei, ae tangiraki i Rou; kam na ongo i Rouna!”

Ruka 3:22

ao E ruona aona te Tamnei are Raoiroi n rab'atana ae kanga taraan te taobe, ao e roko te b'ana mai karawa ae kangai, “Natiu ae Ko tangiraki Ngkoe; I kakatonga i Roum.”

Ruka 9:35

Ao e roko te b'anaa man te nang ae kangai, “Aio Natiu, ae rineaki i Rou. Kam na ongo i Rouna!”

Ioane 1:14

E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

Ioane 1:18

Bon akea temanna ae e a tia n nora te Atua; te Nati are te rikitemanna, are memena i rarikin te Tama, boni Ngaia ae kaota raoi te Atua nakoia aomata.

Ioane 1:34

I a tia n noria ao n tataetae ni kakoaua i bukina: bon Natin te Atua Ngaia.”

Ioane 1:49

E taku Natanaera, “Te Tia Reirei, bon Natin te Atua Ngkoe; aia Uea Iteraera Ngkoe!”

Ioane 3:35

E tangira te Nati te Tama, ao E a tia ni kaaki b'aai ni kabane i aani m'aakana.

Ioane 5:23

b'a a aonga ni bane aomata nako ni karinea te Nati, n ai aroia ngkai a karinea te Tama. Ane aki karinea te Nati, ao e aki karinea naba te Tama are kanakomaia.”

Ebera 1:6

Ma ngke E nang kanakoa ana moa n Nati te Atua nako aon te aba, ao E kangai, “Ao a bane ana anera te Atua n taromauria.”

1.Ioane 4:9

E kaotaki tangirara iroun te Atua n aei: b'a E kanakomaia Natina are te rikitemanna nako aon te aba te Atua b'a ti aonga ni maiu i Rouna.

3.Ioane 1:1

Mairoun te unimm'aane nakoni Kaio ae tangiraki, ae I tangiria ni koaua.