Mareko 12:10 - Te B'aib'ara

¹⁰ Kam tuai ni wareka te taeka are n te B'aib'ara are kangai: ‘Te atibu are a ribaia taani kateitei b'a akea bonganana, e a riki b'a te atibu ae moan te kakawaki i buakon atibu nako.

Mareko 12:10 Iomraidhean Croise

Itaia 28:16

Ma ngaia are, E taku te UEA, “I kawenea te aana ae matoatoa i bukin te kaawa are Tion. E kakoauaaki b'a e onimakinaki raoi atiibun te koona ae e kakaawaki; akea temanna ae e onimakinna e na manga b'ara nanona.

Mataio 12:3

Ao Ngaia E taku nako ia, “Kam tuai ni wareka taekan te baere e karaoia Tawita ngke e baki, ngaia ma uake raona?

Mataio 19:4

Ao E kaekaia Iesu ni kangai, “Tiaki kam a tia ni wareka taekan Teuare karaoia aomata ni moani karikan aonnaba, b'a E karaoia b'a te mm'aane ao te aine,

Mataio 21:16

ao a taku nako Ina, “Ko ongo b'a tera ae a taekinna?” E taku Iesu nako ia, “Eng! Kam tuai ni wareka te taeka are kangai? Ko a tia ni kataneiaia ataei aika uarereke ma merimeri b'a a na neboiko n te aro ae rangi n nako raoi.”

Mataio 21:42

E taku Iesu nako ia, Kam tuai ni wareka are n te B'aib'ara are kangai: Te atibu are kakeaki bongana irouia taani kateitei, E a riki b'a bouan te maninganinga; Aei ana m'akuri te Uea, ao e kamimii i matara!

Mataio 22:31

Ao ni kaeti ma manga utiia-maate, kam tuai mani wareka ana taeka te Atua nako imi, ngke E kangai,

Mareko 12:26

Ao ni kaeti ma taekaia maate ake a manga uti: kam tuai ni wareware n ana boki Moote are taekinaki iai rongorongon te kai are bue, ao e kaotaki naba iai aron te Atua ngke E kangai nakoni Moote: ‘Atuan Aberaam Ngai, ao Atuan Itaaka, ao Atuan Iakob'a.’

Mareko 12:9

Ao E taku Iesu, “Tera ngkanne ae e na karaoia teuare ana b'ai te onaroka? Ane e na roko ao e na tiringiia aomata akekei, ao e na kam'akuriia aomata tem'angina ni nnen te kureebe.

Mareko 13:14

“Ngkana kam nora te ‘Baere Kakamaaku’ b'a e tei n te tabo are e riai n aki mena iai.” Ke e ataia ane wareware b'a e na ota raoi n nanon aei! “Ao akana mena i Iutaia n te tai arei, ke a biri nako nakoni maunga.

Mareko 2:25

Ao E kaekaia Iesu ni kangai, “Kam tuai meni wareka taekan te b'ai are e karaoia Tawita n te tai are e kainano iai ma raona ngke a mate ni baki?

Ruka 6:3

E kaekaia Iesu ao E taku, “Kam tuai ni wareka taekan te baere e karaoia Tawita ngke e baki, ngaia ma ake raona?

I-Rom 9:33

n ai aron are koreaki ni kaangai: “Noria, I kawenea i Tion te atibu ae a na reke waeia iai aomata, ao a na b'aka; ao ane onimakinna ao e na aki kamaamaeaki.”