Mareko 10:5 - Te B'aib'ara

⁵ E taku Iesu nako ia, “E korea te tua aei Moote i bukini matoatoan nanomi.

Mareko 10:5 Iomraidhean Croise

Neemia 9:26

Ma e ngae n anne, ao a bon kakaitaraa naba ma n aki ongotaeka nakon am tua. A tiringiia am burabeti ake a aki toki ni kaakauringiia b'a a na rairaki nakoim, ao a karereantia aram.

Mataio 19:8

E taku nako ia, “E kariaingkami Moote b'a kam na raure ma buumi i bukini matoatoan nanomi, ma tiaki aei arona mani moan rikin aonnaba.

M'akuri 7:51

E reita nako ana taeka Tetebano ao e taku, “Aomata ngkami aika a matoatoa nanomi, n ai aron nanoia aomata aika aki onimakina te Atua; ao kam bonoti taningami n aki kan ongo ana taeka te Atua! Kam aki toki n rarawa ni kan ongo iroun te Tamnei are Raoiroi. Kam a manga karaoa naba are a karaoia ngkoa ami bakatibu!

Te Tua-Kaua 24:1

Ngkana tao arona b'a e raure te m'aane ma buuna b'a e ataia b'a iai aroaron buuna ae buakaka. Ao e na korei taeka n raure i aon taiani beeb'a te m'aane, man angan te aine, ao e na kanakoa.

Te Tua-Kaua 31:27

Ao I bon atai taningabonomi ma ami kamangao ma Iteraera ni kabane. Kam a tia n kakaitaraa te UEA ngkai I boni maiu i rarikimi, ao ane kam na rangi ni buakaka riki ngkana I a kiitaningkami.