Mareko 10:43 - Te B'aib'ara

⁴³ Ma e na aki riki aei i buakomi: b'a ane kani kakannato i buakomi ao e riai n riki b'a ami tabonibai,

Mareko 10:43 Iomraidhean Croise

Mareko 10:42

E weteia Iesu nako Ina ao E taku nako ia, “Kam ataia b'a te koraki ake a katauaki b'a taan tautaeka i aoia aomata aika tiaki I-Iutaia bon iai m'akaia i aoia, ao aia aomata ake a kakannato a kabonganai m'akaia i aoia.

Mareko 10:44

ao ane kan atongaki b'a moami, ao ke e riki b'a aia toro aomata ni kabaneia.

Mareko 9:35

E tekateka Iesu, ao E weteia ana reirei ake tengauni ma uoman, ao E taku nako ia, “Ane kan riki ni moa ni b'ai ao ke e karikia b'a te kabane ao te toro irouia aomata nako.”

Ruka 14:11

B'a ane kakannatoa i bon i rouna, ao e na kamangoraki; ao ane kamangoria i bon i rouna, ao e na kakannatoaki.

Ruka 18:14

Ao E taku Iesu, “I tuangngkami b'a e nako teuare te tia anai taekiti nakon ana auti ma raun nanona b'a a kab'araki ana bure, ma e aki reke aei iroun teuare te B'aritaio, b'a ane e karietata ao e na kamangoraki; ao ane e kamangoria ao e na karietataki.

Ruka 22:26

Ma kam na aki kakairi i rouia: ma ane moan te kakannato i roumi, ao ke e riki b'a kaanga te kabanea n ataei; ao te mataniwi, ke e riki b'a te toro.

Ruka 9:48

ao E taku nako ia, “Ane m'anea te teei aei n akoia i nanon arau, ao e m'aneai n akoai naba; ao ane m'aneai n akoai, ao e m'anea Teuare kanakomaiai; b'a ane mangori riki i buakomi, ao ngaia ane kakannato riki.”

Ioane 18:36

E kaeka Iesu ao E taku, “Tiaki mai aon te aba ueau; ngke arona b'a mai aon te aba ueau, ao a na buaka au aomata, b'a e aonga n akea ae na tauai nakoia I-Iutaia; ma tiaki mai aon te aba ueau.”

I-Rom 12:2

Tai katotonga aroni katein te maiu aei; ma a na bitaki tein ami iango man are kam tataneiai iai, b'a kam aonga n ata raoi aroni karaoan te bae e raoiroi ma ni kakukurei nakon te Atua.

I-Karatia 5:13

B'a kam weteaki nakon te aro n inaomata, taari; ma kam na tai b'aina te aro n inaomata b'a aonami i bukini baika e tangiri te rab'ata; ma kam na i torotoro iroumi n te tangira.