Mareko 10:32 - Te B'aib'ara

³² E tabe ngkai n nakonako Iesu ma ana reirei i aon te kawai nako Ierutarem. E ri moaia ana reirei ake a taonaki n te mimi; ao a maaku aomata ake a iririia. E a manga karaoa naba are E a tia ni karaoia: b'a E kaokoroia ana reirei ake tengauni ma uoman ao E taekin nako ia taekani b'aai ake a nangi riki nako Ina.

Mareko 10:32 Iomraidhean Croise

Tekaria 3:8

Kakauongo raoi irou, te ibonga ae e rietaata ae Iotua ao ibonga ni kabane. Boni ngkami kanikinaean b'aai aika a na roko, b'a N nang kaoka au tia m'akuri, te Uea ae e rineaki.

Mataio 11:25

Ao ni boong akekei, ao E taetae Iesu ni kangai, I karab'ako, Tamau, ae Ueani karawa ma aonnaba, b'a Ko karabai baikai nakoia akana rabakau ma akana wanawana, ao Ko kaoti nakoia merimeri.

Mataio 13:11

Ao E kaekaia ni kangai, Kam a tia n anganaki baika raba aika b'ain Uean te Atua; ma ngaiia, a tuai n anganaki.

Mareko 1:27

A bane aomata ni mimi, ao a i titiraki ni kangai, “Tera te baei? Te reirei ae boou? B'a E taetae ma te m'aaka nakoia anti aika buakaka ao a ongo i Rouna.”

Mareko 4:34

E aki kona n taetae nako ia n aki kabonganai taeka ni kabotau; ma ngkana ti Ngaia ma ana reirei, ao E kamatatai nanoni b'aai ni kabane nako ia.

Ruka 10:23

E rairaki ngkanne nakoia ana reirei, ao E taku nakoia ni kaonotiia, “A a kab'aia maata aika nori baika kam nori!

Ruka 19:28

Ao ngke E a tia Iesu n atongi baikekei, ao E ri moa n nako Ierutarem.

Ruka 9:51

Ngke e a kan roko te tai are E nang uotaki rake iai Iesu nako karawa ao E motika nanona b'a E na nako Ierutarem.

Ioane 11:16

E taku ngkanne Toma, are aranaki b'a te Bwebwee, nakoia raona n reirei, “Ti na nako naba, b'a ti aonga ni mate ma Ngaia.”

Ioane 11:8

A taku ana reirei nakoina, “Te Tia Reirei, a ukoukoriko I-Iutaia i nanon tabebong boongi n nako b'a a na karebanaiko, ao Ko nangi manga nako Iutaia?”