Mareko 10:22 - Te B'aib'ara

²² Ngke e ongo taeka akekei teuarei, ao e oti i rouna te mata n rawawata; ao e taonnako ma te aki kukurei.

Mareko 10:22 Iomraidhean Croise

Etekiera 33:31

Ma ngaia are, a bane n roko n ongora irou, ma a rawa ni karaoa te b'ai are I tuangiia. A taku b'a a bon kakaonimaki, ma a bon teimatoa ni kataia ni baabakanikawai aia m'ane aomata tabem'aang.

Mataio 13:22

Ao are unikaki i buakoni kaai aika kateketeke bon ane ongo ana taeka te Atua; ma n iango n raraoma nako i bukini b'ain te maiu aei ma mataiakinani kaub'aina a karib'a te taeka, ao e aki kariki uaa.

Mataio 19:22

Ngke e ongo taeka aikai te rorobuaka arei, ao e nako ma rawawatan nanona, b'a a bati ana b'ai.

Mataio 27:3

Ao Iuta, are kam'anea Iesu, ngke e noria b'a E kabuakakaki Iesu ao b'a E na kamateaki, ao e rotaki n te nanokawaki i bukin te baere e a tia ni karaoia. E uoti m'ane ake tirewa ake tenibwi ao e kaoki nakoia ibonga ake mataniwi ma unimm'aane;

Mareko 10:21

Ngke E taratara teuarei Iesu ao E tangiria, ao E taku nako ina, “Teuana te b'ai ae akea i roum. Naako, kabo nako am b'ai akana iai i roum; ao booia, anganiia akana akea aia b'ai, ao ane na reke i roum iai am b'ai i karawa; ao nako mai irirai.”

Mareko 10:23

E taraia nako ana reirei Iesu ao E taku nako ia, “Ai kanganga ra te rin n Uean te Atua irouia akana kaub'ai!”

Mareko 6:20

b'a Erote, e maaka Ioane, n ataakina i rouna b'a te aomata ngaia ae raoiroi ae tabu; ao e kawakinna raoi. E kan ongongora i rouna, e boni ngae ngke e kakakiriweaki nanona ni katoa te tai are e ongora iai i rouna.

Mareko 6:26

E rangi n nanokawaki te uea; ma i bukin ana taeka ni bau are e a tia n atongnga i mataia ana iruwa, ao e aki kan urua ana taeka ni bau nakon neierei.

Ruka 12:15

Ao E a manga taku riki nako ia, “Tarataraingkami! ao kawakiningkami man te mataai ni kanib'aib'ai ni kabane; b'a maiun te aomata, e aki mena n ana b'ai, e ngae ngkana a reke i rouna ni m'aiti.”

Ruka 18:23

Ma ngke e ongo aei teuarei, ao e taonaki n te nanokawaki, b'a e rangi ni kaub'ai.

2.I-Korinto 7:10

B'a te rawawata are kaeti ma nanon te Atua e karika rairan te nano nakon te maiu, ao akea te nanokawaki ae na reke i mwina; ma rawawatan aon te aba e karika te mate.

I-Ebeto 5:5

B'a kam bon ata aei, b'a akea te aomata ae te tia wene ni bure, ma te tia kammaira, ma te tia mataai ni kanib'aib'ai ae te tia taromauri bouananti, ae na karekea Ueani Kristo ma te Atua.

2.Timoteo 4:10

B'a e kitanai Tema, i bukin tangirani b'ain te maiu aei, ao e nako Tetaronike; ao Kiretike e nako Karatia, ao Tito e nako Tarematia.