Mareko 10:14 - Te B'aib'ara

¹⁴ Ngke E nora aei Iesu ao E rin, ao E taku nakoia ana reirei, “Kanakomaia ataei nako Iu, ao tai tukiia; b'a Uean te Atua bon aia b'ai ataei aika ai aroia aikai.

Mareko 10:14 Iomraidhean Croise

Karikani B'aai 17:7

“N na kakawakina au Berita ma ngkoe, ao nakoia naba kanoam n rooro aika na roko b'a te boraraoi ae akea tokina. N na riki b'a Atuami, ao Atuaia naba ami bakatibu.

Taian Areru 78:4

Ti na aki karabai mairouia ara ataei; Ti na tuangiia kaain te roro ae i mwira taekani m'akan te UEA ma m'akuri aika ab'ab'aki ma ni kamimii ake E a tia ni karaoi.

Itaia 65:23

A na tetekeraoi aia m'akuri, ao natiia a na aki kaitibo ma kabuanib'ai. N na kakab'aiaia ma kanoaia ni kabane aia tai.

Warekaia Iteraera 14:31

Kam raraoma ngkoa i bukiia natimi b'a a kaawa ni manga tauaki b'a taian taenikai. Ma boni Ngai ae te UEA, ae N na bon karokoia n te aba are kam ribaia.

Mataio 18:10

Kam na kawakiningkami b'a kam na aki kakeaa bonganan temanna i buakoia aika uarereke aikai; b'a I taku nako imi, b'a a aki toki aia anera i karawa n rooroko iroun Tamau are i karawa.

Mataio 18:4

Ane kamangoria n ai aron te teei aei, ao boni ngaia ae te kabanea ni kakannato n Uean te Atua.

Mataio 19:14

ma E taku Iesu, “Kanakomaia ataei nako Iu, ao tai tukiia; b'a Uean te Atua bon aia b'ai aomata aika ai aroia ataei aikai.”

Mataio 5:10

A kab'aia akana b'ainikirinaki i bukini karaoan nanon te Atua, b'a aia b'ai Uean te Atua.

Mataio 5:3

A a kab'aia akana nanorinano, b'a aia b'ai Uean te Atua.

Mareko 3:5

E un Iesu ngke E tarataraia nako, ao E nanokawaki naba i bukina ngke a matoatoa nanoia; ao E taku nakon teuarei, “Arora nako baim.” Ao e aroria, ao e maiu baina.

Mareko 8:33

E rairaki Iesu ao E taraia ana reirei, ao E takua Betero n ana taeka aika kangai: “Naako akuu Tatan! B'a tiaki aron nanon te Atua nanom, ma ai aron nanoia aomata.”

Ioane 3:3

E kaeka Iesu ao E taku, “Bon te koaua ae I a tuangko b'a ngkana e aki manga bungiaki” te aomata, ao e aki kona n nora uean te Atua.

Ioane 3:5

E taku Iesu, “Bon te koaua ae I a tuangko, b'a ngkana e aki bungiaki te aomata n te ran ma te Tamnei are Tabu, ao e aki kona n rin n uean te Atua.

M'akuri 2:39

B'a E a tia te Atua n anga ana taeka n akoi nakoimi, ao nakoia ami kariki, ao nakoia naba ake a mena i kiraroa, ake E weteia te UEA are Atuara nakoina.”

M'akuri 3:25

Ana taeka n akoi te Atua are a taekinna burabeti bon i bukimi, ao iai tib'angami n te boraraoi are E karaoia te Atua ma ami bakatibu, n aron are E taekinna nakon Aberaam ngke E kaangai, “A na kab'aia kaain aonnaba ni kabaneia iroun am kariki.”

I-Rom 11:16

Ngkana e katabuaki m'akoron te kariki b'a ana b'ai te Atua, ao are nikirana bon ana b'ai naba; ao ngkana e katabuaki wakaan te kai b'a ana b'ai te Atua, ao bon ana b'ai naba m'angana.

I-Rom 11:28

I bukina ngke a rawa I-Iutaia ni butim'aea taekan te euangkerio, ao a riki b'a ana kairiribai te Atua i bukimi, ngkami aika tiaki I-Iutaia. Ma ngkai a teimatoa aroia b'a aomata ngaiia aika rineaki iroun te Atua, ao E bon tangiriia i bukiia aia bakatibu ake a kakannato.

1.I-Korinto 14:20

Taari, kam na tai b'aina te nano n ataei; ma kam na riki b'a merimeri nakon te buakaka, ao kam na b'aina te nano n ikawai.

1.I-Korinto 7:14

I taekina aei i bukina b'a te mm'aane ae aki onimaki e a warekaki b'a temanna ngaia i buakoia ana aomata te Atua i bukin arona ni katiteuanaki ma buuna; ao te aine ae aki onimaki e a riki b'a temanna ngaia i buakoia ana aomata te Atua i bukini buuna ngkae e onimaki. B'a ngkana tiaki arona aei, ao natiia a na katotoong aroia ataei aika natiia beekan; ma ngkana arona aei, ao a butim'aeaki natiia iroun te Atua.

I-Ebeto 4:26

Kam kona n un iroun temanna, ma a na aki riki unimi b'a kairami nakon te bure; e na aki bungi taai i aon unimi.

Te Tua-Kaua 4:37

E tangiriia ami bakatibu te UEA, ao E a tia ni baaireia b'a kam na riki b'a ana Aomata. Ma ngaia are, E kamanenaa m'aakana ae korakora ni kaotinakoingkami mai Aikubita.

2.Timoteo 1:5

I aki kona ni m'aninga taekan te onimaki ni koaua ane i nanom, are mena moa i nanon tibum are Nei Roiti ma tinam are Nei Eunike; ao I bon ataia b'a e mena naba ngkai i nanom.

2.Timoteo 3:15

ao ko ataia b'a ma ngke te merimeri ngkoe ao ko a kaman ata te B'aib'ara ae tabu, b'a e kona ni kawanawanako ma ni kairiko nakon te kamaiuaki are reke n onimakinani Kristo Iesu.

Iotua 8:35

Bon akea te tua teuana ae aki warekia Iotua nakoia aomatan Iteraera ni kabane, m'aane, aine, ataei, ao iruwa naba ake a maeka i buakoia.

1.Betero 2:2

ao kam na tangira te miriki ae itiaki ae b'ain te nano, n ai aroia merimeri aika tib'a bungiaki, b'a kam aonga n ikawai iai ao kam kamaiuaki;

Te Kaotioti 14:5

A babanga ni kewe; akea aia kairua.

1.Tamuera 1:11

“Te UEA ae Moan te M'aaka, bon am toro ngai, ae I bon rangi n rawawata! Taiaoka karekea natiu te m'aane. I berita b'a N na anganiko b'a Am b'ai n aron ab'ab'akin maiuna, ao e na aki kokoreaki iran atuuna.”

1.Tamuera 1:22

Ma e aki iri Nei Anna b'a e a tia n taetae nakon buuna ni kaangai, “E na aki roko Tamuera n Ana auti te Atua ni karokoa e matoa raoi, ao I a tib'a anga nakon te UEA, ao e kona n tiku i Tiro ni karokoa tokin maiuna.”