Mareko 10:1 - Te B'aib'ara

¹ E kitana te tabo arei Iesu, ao E nako n taabo ake i Iutaia ma ake i tinanikun te karaanga are te Ioretan. A manga kawaria naba aomata aika m'aiti, ao E reireiia naba n ai aroni kateina are E tataneiai iai.

Mareko 10:1 Iomraidhean Croise

Te Minita 12:9

Bon te tia reirei ngai ae I rangi n ataib'ai, ao I bobooti taeka n rabakau aika a m'aiti aika I a tia ni manga rinanoi.

Ieremia 32:33

A tinanikuai; e ngae ngke I teimatoa n reireiniia, a bon aki kan ongo ke n reireiniia aroia ae e raoiroi.

Mataio 26:55

Ao n te aoa naba arei, ao E taku Iesu nakoia aomata, “Kam nako mai ma kabaang ma kaai n oro, b'a kam na tauai n aron te tia kam'arua? I katoa bong n tekateka ao n reirei n te um'antabu, ao kam aki tauai.

Mataio 4:23

E kabuta Kariraia n reirei ni m'aneabaia I-Iutaia, ao n tataekina euangkerion Uean te Atua; ao E katoki aoraki ni kabane, ao mamara ni kabane i buakoia aomata.

Mareko 1:21

A roko i Kaberenaum, ao E rin Iesu ni m'aneabaia I-Iutaia n te Taabati, ao E reirei.

Mareko 10:2

A nako Ina B'aritaio tem'angina ao a kataia ni kam'anea n aia titiraki. A taku, “Iai riaina i aan te tua b'a e na kanakoa buuna te mm'ane?”

Mareko 12:35

Ngke E tabe n reirei Iesu i nanon te um'antabu, ao E tabeka ana titiraki ni kangai, “A na kanga n taku taani koroboki b'a E na kaoti te Kristo ri nanon ana kariki Tawita?

Mareko 14:49

I katoa te bong ae koraki ma ngkami n reirei i nanon te um'antabu, ao kam aki tauai. Ma e riki aei b'a e na kakoroaki bukin are e taekinaki n te B'aib'ara.”

Mareko 2:13

Ao Iesu E a manga nako rarikin te nama; ao a bane n nako Ina aomata, ao E reireiia.

Mareko 4:2

Ao E reireiia baika bati n taeka ni kabotau, ao E taku:

Mareko 6:2

Ao ngke e roko te Taabati, ao E moanna n reirei i nanoni m'aneabaia I-Iutaia; a m'aiti aomata ake a mena ikekei, ao ngke a ongora i Rouna ao a bane ni mimi. A taku, “A reke maia baikai iroun Teuaei? Ao te rabakau ra ae E anganaki? B'a a karaoaki baika kamimii aika ai aron aikai ni baina!

Mareko 6:34

Ngke E roko Iesu n te aba, ao E noriia aomata aika m'aiti, ao E nanoangaiia, b'a ai aroia tiibu aika akea te tia kawakiniia; ao E moanna n reireiia baika bati.

Mareko 6:6

Ao E mimi n aia onimaki. Ao E nako ni kaawa ake a mena ikekei n reireiia aomata.

Ioane 10:40

E kitana ikekei Iesu ao E ri nukan te karaanga are te Ioretan nako tanimainikuna nakon te tabo are e b'ab'abetito ngkoa iai Ioane; ao E tiku ikekei.

Ioane 11:7

Ao i mwin arei, ao E taku nakoia ana reirei, “Ti a nako riki nako Iutaia.”

Ioane 18:20

E kaeka Iesu ao E taku, “I a tia n taetae n aki karabaai nakon te aba; I aki toki n reirei ni m'aneabaia nako I-Iutaia ao i nanon te Tembora, ao a bane n roroko I-Iutaia; ao I aki atonga te b'ai teuana ni karabaa.