Mareko 1:7 - Te B'aib'ara

⁷ Ao e reirei ni kangai, “Iai Temanna ae na roko n ri mwiu ae E korakora riki nako iu, ae I aki tau b'a N na baraaki ni kab'arai kabaean ana kauniwae.

Mareko 1:7 Iomraidhean Croise

Mataio 3:11

I b'abetitoingkami n te ran b'a kaotan ae kam a tia n rairi nanomi, ma Teuae na roko i mwiu E kakannato riki nako iu, ao I aki tau b'a N na uouoti ana kauniwae; E na b'abetitoingkami n te Tamnei are Raoiroi, ma te ai.

Mataio 3:14

Ma e kataia n tukiia Ioane, ao e taku, “I riai ni b'abetitoaki i Roum, ao Ko nako iu?”

Mareko 1:6

E kunnikaia Ioane ni buraen te kamero, ao e b'aina te roo ae te kau b'a kabaean nuukana; ao e kakangii maan aika rokati ma aia karewe manibeeru.

Mareko 1:8

I b'abetitoingkami n te ran, ma Ngaia ane E na b'abetitoingkami n te Tamnei are Raoiroi.”

Ruka 3:16

E kaekaia Ioane ni kangai, “I b'abetitoingkami n te ran; ma ae E na roko Teuae kakannato riki nako iu, ae I aki tau b'a N na kab'arai kabaean ana kauniwae; E na b'abetitoingkami n te Tamnei are Raoiroi ao n te ai.

Ioane 1:27

ae na waaki i mwiu. I aki tau b'a N na kab'ara kabaean ana kauniwae.”

M'akuri 13:25

Ao ngke e nangi roroko Ioane n tokin ana m'akuri, ao e taku, “Kam taku b'a antai ngai? Tiaki Teuarei ngai. Ma noria, E na roko i mwiu, ao I aki tau b'a N na kab'arai kabaean ana kau ni wae.”

M'akuri 19:4

Ao e taku B'auro, “Ana b'abetito Ioane bon te b'abetito i bukin rairan te nano; ao e tuangiia aomata aika Iteraera b'a a na onimakina Teuare nangi roko i mwina, are Iesu.”

1.Tamuera 25:41

Ao e bobaraaki Nei Abikaira nako aontano ao e taku, “Bon ana toro ngai ae I tauraoi n teboki waeia ana toro nako.”