Mareko 1:20 - Te B'aib'ara

²⁰ E weteia naba, ao ngaiia a kitana tamaia are Tebetaio n te booti ma raona ake a kaboaki kam'akuraia, ao a iria.

Mareko 1:20 Iomraidhean Croise

1.Uea 19:20

Ao e katoka ana kamarautano Eritai, ao e biri ri mwiina ao e taku nakoina, “Kanakoai moa b'a N na kaboo nakoia tamau ma tinau, ao i mwiina I a nakomai n iriiriko.” Ao e taku Eria, “Naako ma ururinga te b'ai ae I a tia ni karaoia i bukim.”

Mataio 10:37

Ane tangira riki tamana ma tinana nako Iu, ao e aki tau b'a e na riki b'a au reirei; ao ane tangira riki natina te mm'aane ke natina te aine nako Iu, ao e aki tau b'a e na riki b'a au reirei.

Mareko 1:19

Ao ngke E toutoua nako riki kawaina, ao E nora Iakobo are natin Tebetaio. Ma Ioane are tarina, ngke a mena n te booti b'a a bonobonoti karaun.

Mareko 1:21

A roko i Kaberenaum, ao E rin Iesu ni m'aneabaia I-Iutaia n te Taabati, ao E reirei.

Mareko 10:29

E taku Iesu, “E koaua ae I a tuangngkami b'a te aomata ae e a tia ni kitana mwengana ke tarina, ke m'anena, ke tamana, ke tinana, ke abana i buku ao i bukin te euangkerio,

Ruka 14:26

Ngkana iai ae kan riki b'a au reirei ma e aki riba tamana ma tinana ma buuna ma natina ma tarina ma m'anena, ma n aki riba naba maiuna, ao e aki kona n riki b'a au reirei.

Ruka 5:11

Ao ngke a tia ni kaaerakei aia booti nako aon te aba, ao a kitan aia b'ai nako ao a ira Iesu.

2.I-Korinto 5:16

Ma ngaia ae ma ngkai ao akea temanna ae ti na bairea taekana man te iango n aomata; e boni ngae ngke ti a tia n te taina ni bairea taekani Kristo iai, ma ti aki kona ni manga karaoia riki nako Ina.

Te Tua-Kaua 33:9

E rangi ni kakannato riki iroumi b'a kaawakinan ana boraraoi Iteraera ma te UEA nakon maiuia tamami ke tinami, ke tarimi ke m'anemi. ke oin natimi.