Mareko 1:14 - Te B'aib'ara

¹⁴ I mwin te tai are e a tia n tauaki iai Ioane ma ni kainaki i nanon te karabuuti, ao E roko Iesu i Kariraia ao E tataekina ana euangkerio te Atua.

Mareko 1:14 Iomraidhean Croise

Mataio 11:2

Ngke e kainaki Ioane n te karabuuti, ao e ongo taekan ana m'akuri te Kristo; ao e kanakoia ana reirei b'a a na kangai nako Ina,

Mataio 14:2

ao e taku nakoia ana toro, “Bon Ioane teuarei, are te tia B'abetito! E a manga uti mai buakoia maate, ma ngaia ae e a reke i rouna te m'aaka ni karaoi m'akuri aika kamimii.”

Mataio 4:12

Ngke E ongo Iesu b'a e a tia n tauaki Ioane b'a te bure, ao E nako Kariraia.

Mataio 4:17

Ao man te tai arei ao E moa n reirei Iesu, ao E taku, “Kam na rairi nanomi, b'a e a kan roko Uean te Atua!”

Mataio 4:23

E kabuta Kariraia n reirei ni m'aneabaia I-Iutaia, ao n tataekina euangkerion Uean te Atua; ao E katoki aoraki ni kabane, ao mamara ni kabane i buakoia aomata.

Mataio 9:35

Ao Iesu E kawari kaawa ni kabane ma taabo nako ake a maekanaki n reirei i nanoni m'aneabaia I-Iutaia, n tataekina euangkerion Uean te Atua, ao ni katoki aoraki ni kabane ma mamaara ni kabane.

Ruka 3:20

E a manga raon ana bure aikai ngke e kaina Ioane n te karabuuti.

Ruka 8:1

Ao rimwi E nako Iesu ni kawari kaawa ma maeka, ni kab'arab'ara, ao n uota te rongorongo ae raoiroi are taekan uean te Atua. Raona uake tengauni ma uoman,

M'akuri 20:25

Ao noria, I ataia b'a kam nang aki manga noori matau, ngkami ni kabaneingkami aika I nakonako i buakomi n tataekina Uean te Atua.

M'akuri 28:23

A kotea aia bong ma B'auro, ao a kawaria aomata aika bati riki ni nena ni maeka n te bong anne. E waaki ma ngaiia man te ingabong ni karokoa ae e bong, ni kab'arab'araa nakoia taekan uean te Atua; ao e kataia n anai nanoia ni m'akoron taeka ake e anai man ana tua Mote ao man aia boki burabeti, b'a a na kakoaua are e taekinna i bukin Iesu.

I-Rom 1:1

Ngai ae B'auro, ae ana toro Iesu Kristo, ae weteaki b'a te tia tuatua, ao e rineaki i bukin tataekinan ana euangkerio te Atua;

I-Ebeto 2:17

Ma ngaia are, E roko Kristo ao E tataekina te raoi nakoimi aika kam raroa nako ngkoa ma te Atua, ao nakoia naba aika kaani ma Ngaia.