Maraki 3:2 - Te B'aib'ara

² Ao ngkana e roko te bong aei, e na riki b'a kaanga te ura ae e korakora are e karana te tirewa ke kaanga te toobu ae e korakora i nanon te betin n uaati. Bon akea ae e na konaa n teirake ni kaaitaraa.

Maraki 3:2 Iomraidhean Croise

Karikani B'aai 19:28

E taraa aon Tootom ma Komora ma te m'arua ni kabutaa, ao e noora te bubu ae aetorake mai aon te aba, ae kaanga te bubu man te ai ae korakora.

Iobi 28:1

Bon iai taabo ike a taunaki iai taian tirewa. Bon iai taabo ike a manga kaburoaki iai taian koora.

Taian Areru 130:3

Ngke arona b'a Ko tau mwin ara bure, ao ai antai, ae na aki konaaki ni kabuakakaaki?

Taian Areru 2:7

N na taekina te berita are E atongnga te UEA nako iu: “Natiu ngkoe, b'a n te bong aei I a riki b'a tamam.

Taian Areru 76:7

Ma Ngkoe, te Atua, Ko makaki irouia aomata ni kabaneia. Akea temanna ae kona n tei i matam ngkana Ko un.

Taeka n Rabakau 25:4

A riai ni kaitiakaki taian tirewa i m'aain kamanenakiia ni karaoaki iai b'aai aika a boongana.

Itaia 1:18

Ngai, ae te UEA, ae I kaoingkami b'a kam na nakomai ma ni maroroakinna. A turu urauran ami bure, ao a na mainaina kaanga te tinoo ke buraen te tiibu.

Itaia 33:14

A titiraki ma te maaku taani bure aika a buakaka ake a maeka i aon te Maunga are Tion, “Ti nang kangaa ni maeka i buakon te urarake ae akea tokina?”

Itaia 4:4

i mwiin kanakoan te ai ni motikitaeka iroun te UEA ni kaitiaka te kaawa ae e buubura ma aomata man aia m'akuri aika a buakaka.

Ieremia 2:22

E taku te UEA: Kaain Iteraera, kam a barekareka n te bure, ao akea te toobu ke te b'ai ni kanakomemea ae e konaa ni kanakoa.

Etekiera 22:14

E na mauna nako ninikoriami ngkana e bane Au m'akuri ma ngkami, ao kam na rangi ni ngore n te aro are kam na aki konaa n tabeki baimi. Bon aei Au taeka Ngai ae te UEA ao N na bon aki bita nanou.

Taniera 11:35

A na mate tabeman mai buakoia taani kairiiri ake a wanawana, ma n tokina, ao a na boni itiaki aomata. E na waaki nako te aro anne ni karokoa rokon te toki, are te tai are e a tia ni baaireia te Atua.

Ioera 2:11

E kairiia te taanga ni buaka aei te UEA ae te Atua ae e aki konaa ni warekaki, ao a ongotaeka nakon ana kaetieti. E rangi ni kakamaaku ana bong ni motikitaeka n te aro are akea ae e konaa moana.

Naum 1:6

Antai ae e kona ni maiu ngkana E un? Antai ae e kona ni maiu i m'ain uran unna? E otinako unna n ai aron te ai. A maerikiriki b'aa, ma n riki ni bubu i matana.

Tekaria 13:9

Ao i mwiina, N na kaitiakia ma ni karaoia b'a a na kataaki, kaanga te koora ma te tirewa ngkana a kaitiakaki ma n tuoaki. Ane a na tataro n arau, ao N na kaekaia. N na kaangai, “Au aomata ngkami,” ao a na kaeka ni kaangai, “Bon te UEA Ngkoe ae Atuara!”

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

Mataio 25:10

Ao ngke a nako ni kaboa te b'a, ao e roko te tia iein, ao nake a tauraoi a rin ma ngaia nakon te am'arake ni baka i bukin te mare, ao e kainaki te mataroa.

Mareko 9:3

ao a tara ni mainaina n raneanea kunnikaina, te aeka ni mainaina ae e raka riki aroni mainainana nakon are e kona n reke iroun te tia kamainainai kunnikai i aonnaba.

Ruka 2:34

ao e taetae Timeon ni kakab'aiaia ao e taku nakon Nei Maria are tinana, “Noria, e na riki te teei aei b'a b'aini kamaunaia ao kamaiuaia aika bati i buakoia Iteraera, ao te kanikina are a na taetae n ekianako aomata aika bati.

Ruka 21:36

Ma kam na tantani n taai nako ao tataro b'a e aonga n reke i roumi te marurung are kam na kona iai ni biri nako mani baika nang roko, ao te kona n tei i matan Natin te Aomata.

Ruka 3:17

E mena i nanoni baina te b'ai are E na kaokoroi iai uita ma maangen uita, ao E na ikoti uaa n uita nakoni nen ana uita; ma E na kabuoki maangen uita n te ai are aki mamate.”

Ruka 3:9

E kaweneaki ngkai te angaraa i rarikini wakaani kaai; b'a te kai ae aki kariki uaa aika raraoi ao e na koreaki n teweaki nako nanon te ai.”

Ruka 7:23

Ao e a kab'aia ane aki tarai baika I karaoi b'a te kanganga nakon ana onimaki.”

Ioane 8:55

Kam aki ataia; I ataia Ngai. Ngkana I taku b'a I aki ataia, ao N na riki b'a te tia kewe Ngai n ai aromi; ma I ataia ao I ongeaba nakon ana taeka.

Ebera 12:25

Kam na tarataraingkami b'a kam na aki rawa nakon Teuare taetae. B'a ngke a aki kona n rawei maiuia ake a rawa nakon Teuare taetae i aon te aba, ao ti bon aki kona n rawei maiura ngaira aikai ngkana ti tan nako mairoun Teuare taetae mai karawa!

Te Kaotioti 19:8

E a tia n anganaki neierei kunnikaina ae te rinen ae e raoiroi ae raneanea ae itiaki b'a e na b'ainna. (Te rinen ae e raoiroi, bon aroia ake a itiaki ni kakaraoa nanon te Atua ni maiuia).

Te Kaotioti 2:23

ao N na kamateia natin neierei, ao ane a na bane ekaretia n ataai b'a te tia tirotiroi naano ma iango aika raba Ngai; ao N na anganingkami n tatabemaningkami nako booni mwin ami m'akuri.

Te Kaotioti 6:17

B'a e a roko te bong are kakamaaku are bongin unna, ao ai antai ae kona n tei i m'aina?”

Te Kaotioti 7:14

Ao I taku nakoina, “Teuae ko karineaki i rou, ko bon ataiia.” Ao e kaangai nako iu, “Aomata aikai ake a butaki nako mai aan te rawawata are korakora, ao a teboki aia kunnikai ake a m'am'arai ao a kamainainai n raraan te Tiibuteteei.

1.Tamuera 6:20

ao a taku, “Bon akea riki te Atua ae ai aron ara UEA! Antai ae kona ni maiu ngkana e kaaniia? Ti na riai n kanakoa te Atiniberita mai ikai. Ma ti nang kanakoa nakea?”