Maraki 2:3 - Te B'aib'ara

³ N na katuaaia ami kariki ma ni kabira matami ni butaeia maan ake kam anga b'a taiani karea, ao e a tib'a bane aia m'akuri ma ngkami.

Maraki 2:3 Iomraidhean Croise

1.Uea 14:10

Ao i bukin aei, ao N na kamaunaa am utu n tiringiia m'anena ni kabane ma ataei ni m'anena, aika tooro ke aika inaomata. N na kamaunaa am utu, n aron te ai ngkana e kabuoka te maange.

Iobi 20:7

ma e na ukaki nako n ai aron te bubu. Koraki ake a rangi n tataneiai ma ngaia ngkoa, a na mimi b'a e ti bua nako naba.

Taian Areru 47:5

E rierake te Atua nakon ana kaintokanuea, A takaakaa ni kukurei aomata ao a katangaki bu ngke E rierake te UEA.

Taian Areru 83:10

Ko katae aia kai i Entora, Ao a wene ni mka rab'ataia i aontano.

Te Otinako 29:14

Ma a na riai ni kabuokaki i tinanikun aia maeka te iriko ni man, te kun, ao te am'arake are tiku i nanon biroton te kaomm'aane b'a te angab'ai i bukin te buubuti kab'araan aia bure ibonga.

Ieremia 8:2

ake a tangiria n taromauria taai, nam'akaina, ao taian itoi. Ane a na maenako taian rii aikai ao a na tiku n raea i aontano kaanga te mwi, ike e konaa n oota taai ma nam'akaina ao taian itoi i aoia.

Ioera 1:10

A tang taian tawaana aika akea arokana; a bue ma ni b'atakataka.

Ioera 1:17

A m'au taian ati i nanon te tano; e aki konaa ni manga reke tain te tai. A aki raoiroi ara auti ni uita, ao akea te uita ae e na kaawakinaki iai.

Nakoaia Ibonga 26:16

N na katuuaingkami korakora, ao kam na uruaki. Kam na aoraki n te aoraki ae e aki kona ni katokaki, ao te biiua ae e na karika te matakii ma te rawaawata. A na kang uaan arokami ami kairiribai,

Naum 3:6

N na karaoiko b'a ko na tirobaeaki. Ao ti na rabuniko n taiani maange. A na matakuakiniko aomata ma te maaku.

Maraki 2:9

Ma ngaia are, I karaoia aomata nako b'a a na ribaingkami ma n aki kubaringkami, i bukina ngkai kam aki ongotaeka irou ma n aki konaa ni karaoa ae ti te arona nakoia aomata nako.

Ruka 14:35

E aki tau ni kabonganaki i bukini kanan te tano, ke n renganaki ma kanan te aroka aika b'ariko ni maange. Ane iai taningana n ongo ao ke e ongo!”

1.I-Korinto 4:13

Ngkana a taekinaki arora ni kabuakakaki, ao ti kaboi n taeka aika raraoi. Ti riki ni karokoa te bong aei b'a kaanga maangen aonnaba ma baarekani b'aai ni kabane.

Te Tua-Kaua 28:38

Ane kam na kamrarai taian koraa aika m'aiti, ma a na rangi ni karako uaana aika kam na karekei, i bukina b'a a na kanaki arokami n taian rookati