Maraki 1:3 - Te B'aib'ara

³ n onea mwiin Etau. Ao I onika aban Etau ake a tabukibuki nakon te rereua ae akea kain aona ike a aiwaa iai taian Tiakaore

Maraki 1:3 Iomraidhean Croise

Karikani B'aai 25:23

Ao E taku te UEA nako ina, “Bon uoua te botannaomata ane i birotom; Ko na bungiia uoua te botannaomata aika a kairiribai. E na korakora riki temanna nakon are temanna, E na m'akuri teuare te karimoa iroun teuare te karimwi.”

Itaia 35:7

Ane e na manga onikaki te tano ae e a b'atata nakon te neinei n ran, e na taorake te tano ae e m'autakataka n taiani koburake n ran. A na rikirake uteute n te tano ae m'aim'ai, ike a karaoa iai mwengaia nanai ni kamea aika a aki manana.

Ieremia 49:10

Ma N na anai b'aai ni kabane aika kam b'ain, ngkami aika kaain Etom, ao n na kaoti taabo nako ike kam kaakarabai. Ao i mwiina, kam na mate, ao ai uana naba ma ami ataei, ami koraki ao kaain rarikimi nako.

Ieremia 49:20

Kam na ongora nakon Au babaaire i bukimi aika kaain Etom. Ane a na aeaeaki nako natimi ao e na uruakaki abami.

Ieremia 49:33

Ti taian tiakaore aika a na maiu ike a tei iai ami kaawa aika a uarereke. Bon aei au taeka Ngai ae te Atua.

Ieremia 49:7

Aio te b'ai ae taekinna te UEA ae Moan te M'aaka i bukin Etom: E a tia ni mauna nako te wanawana ma te iango raoi mai Teman. N nang karokoa te kabuanib'ai ni katuaaingkami ngkami aika ana kariki Etau,

Ieremia 49:8

ma ngaia are, e riai n rairaki ni biri nakon Mwengana ane e roko mai Tetan.

Ieremia 51:37

E na riki B'aburon b'a te b'ariko n atiibu aika a maaerikiriki ike ti taian tiakaore aika a maeka iai. Ane a na ngare aomata, ma a na aki maaku n nakonako i buakon b'aina aika a uruaki.

Ieremia 9:11

Ao I ongo ana kaeka te UEA, “Ngkana e tia Au m'akuri, ao e na riki Ierutarem ao kaawan nako Iuta b'a b'ariko ni b'ai aika a uruaki ike ti taian tiakaore aika a maeka iai.”

B'aeb'aeti 4:22

E a tia ni b'ara ana bure Tion; E nang kab'araira te UEA man te kataenikaiaki. Ma e na bon katuaeko te UEA ngkoe ae Etom, E na katereterei am m'akuri aika a kaairua.

Etekiera 36:7

ma ngaia ae ngkai N na kamamaaia ma ni kab'ainrangiia. Bon anne au berita ae e matoa.

Etekiera 36:9

N na tararuaingkami ni kamaraua te tano ao n uniki taiani uita ni karaabeen ami maunga aika maiu reirei.

Ioera 3:19

A iowawa ma n akiako Aikubita ma Etom, n te aro ae akea bukina. Ngkai a na riki abaia b'a taian rereua aika akea b'ain aona,

Ob'aria 1:10

“Akea tokin kamamaeam ma uruam Etom i bukina ngkai ko a tia ni iraeia ma n tiringa tarim ae kanoan Iakob'a, ko na bon kamaunanakoaki n aki toki.

Ruka 14:26

Ngkana iai ae kan riki b'a au reirei ma e aki riba tamana ma tinana ma buuna ma natina ma tarina ma m'anena, ma n aki riba naba maiuna, ao e aki kona n riki b'a au reirei.