Maraki 1:2 - Te B'aib'ara

² Iteraera, bon te UEA Ngai ae I kaman tangiriko. Ma ko titiraki b'a tera tangirakim irou. Ko na aki m'aninga ae bon tarin ami bakatibu are Iakob'a teuare Etau, ma I rinea Iakob'a

Maraki 1:2 Iomraidhean Croise

Karikani B'aai 25:23

Ao E taku te UEA nako ina, “Bon uoua te botannaomata ane i birotom; Ko na bungiia uoua te botannaomata aika a kairiribai. E na korakora riki temanna nakon are temanna, E na m'akuri teuare te karimoa iroun teuare te karimwi.”

Karikani B'aai 25:25

E uraura teuare te karimoa, ao ti te bo kunna ma te roobu ae buraerae, ma ngaia are, e aranaki b'a Etau.

Karikani B'aai 25:26

Ao e bungiaki are te kauoman, ao e taua bukin waen Etau ni kamatoa, ma ngaia are, e aranaki b'a Iakob'a. Ai onobwi ana ririki ni maiu Itaaka ngke a bungiaki natina aikai.

Karikani B'aai 27:33

Ao e ruru ma n nako nanon Itaaka, ao e taku, “Ao ai antai ae tiringa te man, ao e uotia nako iu ae I am'arake iai i m'aain rokom? Ao I a tia naba ni kabanea au taetae ni kakab'aia nakoina, ao e aki kona ni manga anaaki mai rouna.”

Karikani B'aai 48:4

ao E taku nako iu, ‘N na anganiko am kariki aika m'aiti, ao a na riki b'a au botannaomata; N na anga te aba aei nako ia am kariki b'a abaia n aki toki.’ ”

1.Uea 10:9

I neboa te UEA ae Atuam. E kakatonga iroum ao E a tia n rineiko b'a uean Iteraera. E tangira Iteraera te uea ma ngaia are, E a tia n anganiia aia uea ae na tautaekaniia n te eti ma te koaua.

2.Uea 3:8

Ma engaa kawaira ae ti na toua? Ao e taku Ioram, Ti na toua kawain te Rereua are Etom.

Itaia 43:4

Ko rangi n tangiraki irou, Ao bon anne bukina ngke I kaaki taekaia botannaomata ma taian aomata i bukin kamaiuam.

Itaia 63:1

Antai ae aei ae roko mai Botira i Etom ma kunnikaina ae e kakiriurauraaki? Antai te aomata ae e kakannato aei ae e m'ananga ma ana kaboraoi ae e mimitong?

Ieremia 2:31

Ao ngkai kam na ongo nakon te b'ai ae I taekinna! Iai te tai ae I kiitaningkami iai i nanon te rereua ke I katobibingkami n te rootongitong? Bon au aomata ngkami, ao i rarikin anne kam a tia ni kaangai nako iu, “Ti na karaoa te b'ai ae ti tangiria, ao ti rawa n taromauriko!”

Ieremia 2:5

ao N na taetae Ngai ae te UEA. I aki roko n te karaoa ae e buakaka nako ia ami bakatibu, ma a kiitanai ao a riki n aki manena ngke a iriia bouananti aika akea manenaia.

Ieremia 31:3

Tabeua boong aika a nako, E kaoti te UEA nako iu ao E taku: Iteraera, N na tangiriko n taai nako; bon anne bukina ngkai I aki toki n taotaona nanou ma n akoi.

Amota 1:11

E taku te UEA “A teimatoa ni kakaraoa te bure kain Etom, ao N na bon katuaaia i bukin aei. Aki toki n ririmwiia aia utu, Iteraera, ao a kaota te aki nanoanga. Ngkana a un e bon kanganga tokina, ao aki kona ni kakerikaka uniia.

Maraki 2:17

Kam a tia n rangi ni kakuaa te UEA n ami taeka nako. Ao kam titiraki ni kaangai, “Ti na kangaa ni karaoa anne?” Kam karaoia n ami taeka ngke kam kaangai, “E kukurei te UEA ni karaoa te buakaka ao E aki tabe ma te motiraoi.”

Ruka 10:29

Ma e kani karaoiroia teuarei, ao e taku nakon Iesu, “Ao antai raou?”

Ioane 15:12

Aio au tua: kam na i tangitangiri, n ai arou ngkai I tangiringkami.

Te Tua-Kaua 10:15

Ma e bon rangi ni korakora tangiraia ami bakatibu iroun te UEA, ao E tangiria ni karikiia b'a Ana b'ai. Ma ngaia are, E rineia ma kanoaia mai buakoia botannaomata ake tabeua, ao n te bong aei kam bon teimatoa naba n riki b'a ana Aomata.

Te Tua-Kaua 23:5

Ma E tangiringkami te UEA ae Atuami, ao E aki kan ongo iroun B'araam, ao E a manga onika ana katekebuaka B'araam nakon te kakab'aia.

Te Tua-Kaua 33:3

E tangiria barongan Iteraera te UEA ao E kaawakiniia ana Aomata. A kakauongo nakon Ana taeka ao a taromauri i waena.

Te Tua-Kaua 4:37

E tangiriia ami bakatibu te UEA, ao E a tia ni baaireia b'a kam na riki b'a ana Aomata. Ma ngaia are, E kamanenaa m'aakana ae korakora ni kaotinakoingkami mai Aikubita.