M'akuri 9:41 - Te B'aib'ara

⁴¹ E anga baina Betero nakoina, ao e kateirakea; e weteia ngkanne ake a itiaki ma aine ake a mate buia, ao e anganiia neierei b'a e a maiu.

M'akuri 9:41 Iomraidhean Croise

Karikani B'aai 45:26

Ao a taku nakon tamaia, “E boni maiu Ioteb'a. Bon te tia tautaeka ngaia i Aikubita.” Ao e kubanako Iakob'a n te rongorongo arei, ao e aki kakoauaia.

1.Uea 17:23

Ao e tabekia rake Eria ao e uotia rikaaki. Ao e anga te ataeinim'aane arei nakon tinana ao e taku, Nooria, E a maiu natim te m'aane.

2.Uea 6:7

Ao e taku Eritai nako ina, “Anaia.” Ao e kaaenakoa baina te burabeti arei n anaia.

Iobi 29:13

A neboai aomata ake a mena i nanon te rawawata ae moan te korakora, ao I buokia aine aika mate buia ni karekea te kukurei nako ia.

Taian Areru 146:9

E kakawakiniia iruwa akana maeka i abara; E buokiia aine akana a mate buia, ma ataei akana a mate tamaia; Ma E katekebuakaia akana buakaka.

Mareko 1:31

ao E nako n taua baina, ao E kateirakea, ao e a toki naba kabuebuena; ao e touatiniia neierei.

Ruka 7:12

Ngke E a kaan ma mataroan oon te kawa, ao noria, e a uotaki nako Ina te aomata ae mate ae te rikitemanna iroun tinana, ao neierei e a tia ni mate buuna; a rangi ni m'aiti aomata ake a raona neierei.

Ruka 7:15

Ao teuare mate, e tekateka, ao e taetae. Ao Iesu E anga teuarei nakon tinana.

M'akuri 20:12

A kaira nako te roronga ngke e maiu, ao a bati ni kabebeteaki nanoia.

M'akuri 3:7

E taua ataina Betero, ao e kateirakea; ao n te tai naba arei ao a riki ni marurung waena ma tomaia.

M'akuri 6:1

Ao ni boong akekei, ngke e tabe n rikirake m'aitiia aomata ake a onimakina Iesu, ao a ngurengure I-Iutaia ake a b'aina te taetae n Erene irouia raoia n I-Iutaia ake a b'aina te taetae n Ebera, i bukina ngke akea tib'aia aia aine, ake a tia ni mate buia, ae e reke n te tib'atib'a n te bong ae koraki.

M'akuri 9:13

Ao e kaeka Anania ni kaangai, “Te UEA, I ongo taekan teuaei irouia aomata aika bati, b'a e karaoi m'akuri aika bubuaka aika bati nakoia am aomata ake a itiaki ake i Ierutarem;

M'akuri 9:32

I nanon ana tai ni m'am'ananga Betero ni kawari taabo nako, ao e reke naba ana tai ni wairio nakoia ake a itiaki ake a maeka i Rura.

1.Timoteo 5:3

Ko na karineia n akoia aine aika boni kananoanga ni koaua ngkai a mate buia.

1.Timoteo 5:5

Ao te aine ae kananoanga ni koaua, ngkae e mate buna ao e tiku n ti ngaia, e mwiokoa te Atua ni maiuna, ao e botum'aka n tatataro ni bubuti n te bong ao n te ngaina.