M'akuri 9:39 - Te B'aib'ara

³⁹ Ao e teirake Betero, ao e airi ma ngaiia. Ngke e roko, ao a kairiia nakon te ru are i eta; a tei n tang aine ake a mate buia i rarikini Betero, ao a kaoti kabaraki ma kooti ake e karaoi Nei Toreka i nanon ana tai ni maiu.

M'akuri 9:39 Iomraidhean Croise

2.Tamuera 1:24

Ainen Iteraera, taang i bukin Tauro. E anganingkami te kunnikai ae e tamaroa ae e uraura ao te b'ai ni katamaroa ae e karaoaki n te koora.

Taeka n Rabakau 10:7

A aki toki n ururingaki aomata aika a raoiroi e ngae ngkana a maan nako, ma a kai m'anuokinaki aika a buakaka.

Te Minita 9:10

M'akuri korakora ni b'aai ni kabane aika ko karaoi. Ko na waekoa n roko n aia aonnaba maate, ike akea iai ae e m'akuri, ke ni iango, ke ni kakaai bukin b'aai, ke n atai b'aai ni kabane.

Mataio 17:17

Ao E kaeka Iesu ao E taku, “Te roro ae akea ana onimaki, ae aki ata ae e raoiroi ma ae e buakaka, maan ra ae N na titiku iai i rarikimi? Ao maan ra taotaonakin nanou nako imi? Kairia mai nako Iu!”

Mataio 26:11

B'a a aki toki ni mena i rarikimi aomata aika aki kaub'ai, ma e a bon tai toki memenau i roumi.

Mareko 14:8

E a tia ni karaoa are e kona neiei: e a tia ni kaboiarara rab'atau ni katauraoia i m'ain taunakiu.

Ruka 24:44

Ao E taku nako ia, “Aikai au taeka ake I atong ngkoa nako imi, ngke I memena i roumi, b'a e riai b'a b'aai ni kabane ake a taekinaki i buku n ana tua Moote ma aia boki burabeti, ao i nanon Taian Areru, a na bane ni kakoroaki bukiia.”

Ioane 12:8

A boni memena i rarikimi aomata aika aki kaub'ai, ma Ngai e na bon toki memenau i rarikimi.”

Ioane 17:12

Ngke I mena i rarikiia, ao I kawakinia ni m'aakan aram, ae te ara are Ko anganai. I tantani i rarikiia, ao akea temanna i buakoia ae bua, ma ti natin te mate, b'a e na kakoauaki taekan te B'aib'ara.

M'akuri 1:13

Ao ngke a rin i Ierutarem, ao a nako n te ru are i eta, are a kabongana b'a neia ni maeka n te tai ae aki maan Betero, ma Ioane, Iakobo, Anterea, Biribo, Toma, B'aretorom'aio, Mataio ma Iakobo are natin Areb'aio, ma Timon are te Terote, ao Iuta are tarin Iakobo.

M'akuri 20:35

I a tia ni kaotia nakoimi n aaro nako b'a ti riai ni buokiia aika mamara n te aro aei, ae te bekutata, n aki m'aninga ana taeka te UEA are Iesu, are kaangai, “E kakab'aia riki te anga nakon te anganaki.”

M'akuri 6:1

Ao ni boong akekei, ngke e tabe n rikirake m'aitiia aomata ake a onimakina Iesu, ao a ngurengure I-Iutaia ake a b'aina te taetae n Erene irouia raoia n I-Iutaia ake a b'aina te taetae n Ebera, i bukina ngke akea tib'aia aia aine, ake a tia ni mate buia, ae e reke n te tib'atib'a n te bong ae koraki.

M'akuri 8:2

Iai aomata aika onimakina te Atua, aika uota nako rab'atan Tetebano n taunna, ao a karaoa te tanginiwenei ae bati i aona.

M'akuri 9:41

E anga baina Betero nakoina, ao e kateirakea; e weteia ngkanne ake a itiaki ma aine ake a mate buia, ao e anganiia neierei b'a e a maiu.

2.I-Korinto 8:12

B'a ngkana iai te nano ae korakora ni kan anga ao e butim'aeaki te b'ai n akoi n ai aroni m'aitin are e anga te aomata, ma tiaki n ai aron aekan ana b'ai.

I-Ebeto 4:28

Ke e tai manga iraa te tia iraa; ma e na m'akuri, ni karaoa te bae raoiroi ni baina, b'a e aonga ni kona ni buokanib'ai n are e karekea ma ane e kai nanona.

1.I-Tetaronike 1:3

ngkai ti aki toki, i matan te Atua are Tamara n ururinga ami m'akuri ae kanoan ami onimaki, ma ami m'akuri korakora ae kanoan ami tangira, ao ami kaantaninga ae nene i nanon ara Uea are Iesu Kristo.

1.I-Tetaronike 4:13

Ti aki tangiringkami taari, b'a kam na aki atai aroia aika mate, b'a kam aonga n aki nanokawaki, n ai aroia tabem'aang akana akea aia kaantaninga.

1.Timoteo 5:3

Ko na karineia n akoia aine aika boni kananoanga ni koaua ngkai a mate buia.

1.Timoteo 5:5

Ao te aine ae kananoanga ni koaua, ngkae e mate buna ao e tiku n ti ngaia, e mwiokoa te Atua ni maiuna, ao e botum'aka n tatataro ni bubuti n te bong ao n te ngaina.

1.Ioane 3:18

Au ataei aika uarereke, ti na tai i tangitangiri n ti te taeka ao n te newe, ma a na noraki arora n i tangitangiri n te m'akuri ao n te koaua.