M'akuri 9:21 - Te B'aib'ara

²¹ A bane ni mimi ake a ongora i rouna, ao a taku, “Tiaki teuare tiringiia aomata teuaei ake a taromauria te ara aei i Ierutarem? Ao tiaki naba e roko ikai b'a e na kabaeia aomata ake ai aroia naba aomata akekei, ni kairiia nakoia aia mataniwi ibonga?”

M'akuri 9:21 Iomraidhean Croise

Taian Areru 51:13

N na reireiniia taani bure am Tua, Ao a na rairaki nakoim.

Taian Areru 71:7

E a riki maiu b'a te banna ni katoto nakoia aomata aika bati, i bukina b'a Ko a tia n riki b'a te tia kamanoai Ngkoe ae matoatoa.

Itaia 8:18

Ngai ma natiu bon taian kanikina ni kauring nakoia Iteraera mai roun te UEA ae Moan te M'aaka, are e maeka n te Maunga are Tion.

Tekaria 3:8

Kakauongo raoi irou, te ibonga ae e rietaata ae Iotua ao ibonga ni kabane. Boni ngkami kanikinaean b'aai aika a na roko, b'a N nang kaoka au tia m'akuri, te Uea ae e rineaki.

Warekaia Iteraera 23:23

Bon akea te tabunea teuana ae kona n totokoia. Bon noora te b'ai ae E a tia ni karaoia te Atua nakoia Ana aomata.

M'akuri 2:12

Ao a bane ni mimi ma ni minotaki aia iango, ao a i titiraki i rouia ni kaangai, “Tera nanon te baei?”

M'akuri 2:6

Ngke a ongo b'anaaia taan onimaki, ao a ikotaki aia koraki aika bati ma te mimi, b'a a bane n oota n te baere a taekinna taan onimaki, b'a a taetae n aia taetae nako.

M'akuri 3:10

ao a ataia b'a bon teuare tetekateka ni bububuti n te mataroa are arana Tamaroa, are te mataroa n rin nakon te Tembora; ao a bon rangi ni mimi n te baere e riki nakoina.

M'akuri 4:13

A mimi te koraki arei ngke a nora aroni Betero ma Ioane n ninikoria, ao ngke a ataiia b'a aomata n aki reireiaki. A ataiia ngkanne b'a a memena iroun Iesu ngkoa.

M'akuri 7:59

Ao ngke a kume ni karebanaa Tetebano, ao ngaia e m'anewea aran te UEA, ao e kaangai, “Te UEA ae Iesu, Anaa tamneiu!”

M'akuri 8:3

Ma Tauro e kataia n urua te ekaretia: e rin i nanon auti nako ni katikiia nako kaain te ekaretia aika mm'aane ma aine, ao e kaakiia i nanon te karabuuti.

M'akuri 9:22

Ao e riki ni korakora riki aron Tauro ni kab'arab'ara; ao e kaminoi aia iango I-Iutaia ake a maeka i Tamateko n ana koaua ake e taekin i bukin Iesu b'a bon te Kristo Ngaia.

2.I-Tetaronike 1:10

ngkana E roko te bong arei b'a E na neboaki irouia ana aomata aika itiaki, ma ni kamoamoaki irouia aika onimaki. Ngkami naba i buakoia, i bukina ngkai kam a tia ni kakoaua te rongorongo are ti taekinna nako imi.

1.Ioane 3:1

Nora aroni m'aitin te tangira are E tangirira iai te Atua, b'a ti aonga n atongaki b'a natin te Atua: ao bon natina ngaira. Ma ngaia ae a aki ataira kaain aon te aba, i bukina b'a a aki ata te Atua.