M'akuri 9:11 - Te B'aib'ara

¹¹ Ao E taku te UEA nakoina, “Tei rake, ao naako n te kawai are aranaki b'a Eti, ao ukoukora iai te aomata ae arana Tauro ae te I-Tareto, n ana auti Iuta: b'a noria, e tataro,

M'akuri 9:11 Iomraidhean Croise

Taian Areru 50:15

Kam na weteai n tain te kaangaanga; N na kamaiungkami, ao kam na neboai.

Taeka n Rabakau 15:8

E aki kukurei te UEA n aia b'aintangira aomata aika a buakaka, ma e kakukureiaki ngkana a tataro ana aomata.

Tekaria 12:10

Boni Ngai ae te UEA ae N na karaoa ana kariki Tawita ma kaain Ierutarem b'a a na rangi n nanokawaki ao a na tataro ngkana a noora te aomata are e ewaraki n te kainiwai. A na tang ma n tanginiwenei i bukina, kaanga kaaro aika a tang i bukin maten natiia te rikitemanna ke aia karimoa.

Ioane 4:10

E kaeka Iesu ao E taku nakoina, “Ngke tao ko ata ana b'ai n tangira te Atua, ao Teuae kaangai ngkai nako im, Kaamai b'a N na moi, ao ko na kamani butiia, ao Ngaia E a anganiko naba iai te ran ni kamaiu.”

M'akuri 11:13

Ao ngaia e tuangiira arona ngke e nora te anera b'a e tei i nanon ana auti, ao e kaangai, ‘Kanakoa temanna nako Iobe b'a e na kaoa Timon, are arana teuana Betero.

M'akuri 11:25

E nako ngkanne B'arenaba nako Tareto b'a e na ukoukora Tauro iai.

M'akuri 2:21

Ao e na kamaiuaki ane m'anewea aran te UEA.

M'akuri 21:39

Ao e taku B'auro, “Te aomata ae te I-Iutaia ngai, ae te I-Taareto are i Kirikia, ae kaain te kaawa ae aki mangori; I butiiko b'a ko na kariaia b'a N na taetae nakoia aomata.”

M'akuri 22:3

Bon te aomata ae te I-Iutaia ngai, ae I bungiaki i Taareto are i Kirikia, ma I ikawai rake n te kaawa aei, ao I reireiaki irouni Kamariera. I reireiaki n aia tua ara bakatibu n arona ni kabanea, ao e bane nanou nakon te Atua, n ai aromi naba ni kabaneingkami n te bong aei.

M'akuri 8:22

Ma ngaia ae ko na raira nanom n raraoma i bukin am iango ane reke i roum anne, ao butiia te Atua b'a tao E na kab'ara buren am iango anne, ngkana arona.

M'akuri 8:26

E taetae ana anera te UEA nakoni Biribo, ao e kaangai, “Katauraoiko b'a ko na nako aiaki, nakon te kawai are wairio mai Ierutarem nako Kaata.” Aei te kawai n te rereua.

M'akuri 9:30

Ngke e a ataaki aroia I-Iutaia akekei irouia taari i Ierutarem, ao a kaira rio Tauro nako Kaitareia, ao ni manga kanakoa nako Tareto.

Te Tua-Kaua 4:29

Ane kam na motikia mai nanomi n te tai teuana b'a kam na taromauria te UEA i bukin ami kangaanga. Ao ngkana kam okirikaaki ma n ongotaeka raoi i Rouna, ao E na manga bon riki naba b'a Atuami.