M'akuri 8:39 - Te B'aib'ara

³⁹ Ngke a aerake man te ran, ao E kairaki nako Biribo iroun Tamnein te UEA, ao e aki manga noria te iunaki, b'a e wakina kawaina ma te kim'areirei.

M'akuri 8:39 Iomraidhean Croise

1.Uea 18:12

Tera ngke E waekoa n anaiko Tamnein te UEA n te tai are I kitaniko naba iai? B'a ngkana e roko Aaba n anaiko ao ko na bon aki reke i rouna. Ao ane e na manga bon tiringai. I bon tataromauria te UEA mangke te ataeinim'aane ngai.

2.Uea 2:16

ao a taku, Bon iai iroura ikai m'aane aika a korakora aika nimangaun, taiaoka kanakoia b'a ana kakaaea am mataniwi. E na mena ngkoa ao E uotia nako Tamnein te UEA nakon taiani maunga ke taiani m'arua. Ao e taku Eritai, A na aki kakaaea. E na bon aki konaa n reke irouia.

Taian Areru 119:111

A riki am Taeka b'a au b'ai n aki toki; A kakukureia nanou.

Taian Areru 119:14

I a kukurei riki n iri nanon am Taeka nakon tangiran te kaub'ai ae bati.

Itaia 61:10

N na karaoa au bootaki ni kukurei ao n takaarua i bukin au UEA ae te Atua. I a kunnikaiai ni m'aakan ana m'akuri ni kakamaiu ao ana motikitaeka ae Eti. A rangi n tamaroa riki nakon b'aai ni katamaroa aika a b'aab'ainaki iroun te kabae te aine ke te kabae te m'aane.

Etekiera 11:1

E tabekai rake Tamnein te UEA ao e uotai nako mataroan te Tembora, ike I a noora iai uangaun ma niiman m'aane, n reitaki ma taan kairiiri ake uoman ake Iaatania are natin Atura te m'aane ao Beratia are natin Benaia te m'aane.

Etekiera 11:24

Ao i mwiin anne i nanoni miiu, E a tabekai rake Tamnein te UEA ao e uotai ni kaokai nakoia taenikai ake tekorakina i B'aburon. Ao e mauna nako te mii arei mairou,

Etekiera 37:1

Tabeua te tai i mwiina, I a manga namakina m'aakan te UEA b'a e niniai, ao E uotai nako Tamneina nakon te m'arua ae e onrake n taian rii.

Etekiera 43:5

E kateirakeai Tamnein te UEA, ao e uotai nakon katawanangin te Tembora, ike I a nooria iai b'a ngaia E a kaona nanon te Tembora mimitongin te UEA.

Etekiera 8:3

E kaaenakoa te b'ai ae kaanga ai aron bain te aomata n taua irau. Ao i nanon miiu arei E a uotai rake Tamnein te UEA nako karawa ma ni uotai nako Ierutarem. E uotai te Tamnei nakon mataroan katawanangin te Tembora are i meaang ike e mena iai te bouannanti are e rangi n ribaia te UEA ao e rangi ni un iai.

Mataio 13:44

Uean te Atua ai aron te b'ai ae kakawaki are karabaki n te tabo teuana, ao te b'ai are e kunea te aomata temanna ao e karaba; i nanoni kukureina ao e nako ni kabo nako ana b'ai ni kabane, ao e kaboa te aba are e karabaki iai te baerei.

Mataio 3:16

Ngke E a tia ni b'abetitoaki Iesu, ao E aerake naba man te ran, ao noria, e kaukaki karawa nako Ina, ao E nora Tamnein te Atua b'a E ruo n ai aron te taobe, ao E toka i aona;

Mareko 1:10

Ao n te tai naba are E aerake iai man te ran, ao E nora karawa b'a e uki, ao te Tamnei are Raoiroi b'a E ruonna n ai aron te taobe;

M'akuri 13:52

Ao a kaonaki reirei ake i Antioka n te kim'areirei ao n te Tamnei are Raoiroi.

M'akuri 16:34

E kaira rake ngkanne B'auro ma Tira nakon ana auti, ao e anganiia kanaia. E kaonaki nanona n te kim'areirei i bukin onimakinan te Atua i rouna; ao ai aroia naba kaain ana utu.

M'akuri 8:29

Ao E taku te Tamnei are Raoiroi nakoni Biribo, “Ko na nako n airi ma te ka arei.”

M'akuri 8:38

E tua ngkanne te iunaki b'a e na tei te ka; ao e ruo ma Biribo nako nanon te ran, ao e b'abetitoaki irouni Biribo.

M'akuri 8:8

Ma ngaia ae e bati te kim'areirei irouia kaain te kaawa arei.

I-Rom 5:2

are E a tia ni karekea angara n te onimaki b'a ti na roko i nanon te akoaki aei, ae ti mena iai ngkai; ao ti kakatonga ni kaantaningan te neboaki ma te Atua.

I-Biribi 3:3

B'a boni ngaira ma ngkami kaain te korotabonim'aneaki ni koaua, aika ti taromauria te Atua iroun Tamneina, ma ni kamoamoa irouni Kristo Iesu, ao ti aki onimakina te rab'ata,

I-Biribi 4:4

Kam na kim'areirei ngkai kam reitaki ma te UEA n taai nako; ao N na manga atonga riki ae kaangai, Kam na kim'areirei.

Iakobo 4:16

Ma ngkai, kam kamoamoaingkami n ami kainikatonga. Kamoamoa ni kabane aika ai aron aikai a bane ni bubuaka.